मिर्मिरेको ९ हजार ७५३ कित्ता शेयरको लिलामी खुल्यो,सकार्नेले बोनस पनि पाउने

Sep 11, 2018 Merolagani

मिर्मिरे लघुवित्त वित्तीय संस्था (MMFDB)ले लिलामीमा राखेको शेयरमा आज मंगलबार भदौ २६ गते देखि आवेदन खुलेको छ । लघुवित्तले हकप्रदमा नबिकेको ९ हजार ७५३ कित्ता सर्वसाधारण शेयर लिलामीमा राखेको छ ।

कम्पनीले गत असार २७ गते देखि साउन २९ गते सम्म ४ लाख ५० हजार कित्ता हकप्रद शेयरको बिक्री खुल्ला गरेको थियो ।
लघुवित्तको लिलामी शेयरमा न्युनतम मूल्य प्रतिशेयर १०० रुपैयाँ देखी न्युनतम १०० कित्ताको लागि बोलपत्र आबेदन गर्न सकिने बिक्री प्रबन्धक एनआईविएल एस क्यापिटलले जनाएको छ । कम्पनीको लिलामी शेयरमा असोज ४ गते सम्म आबेदन दिन सकिनेछ ।

कम्पनीको लिलामी शेयरमा एनआईबिएल एस क्यापिटलको प्रधान कार्यालय सहित शाखा कार्यालयहरु, नेपाल इन्भेष्टमेन्ट बैंकको सुर्खेत, नारायणगढ र धनगढी शाखा कार्यालयहरुवाट आबेदन गर्न सकिने छ । यस्तै मिर्मिरे लघुवित्त वित्तीय संस्थाको बनेपा, काभ्रेपलान्चोक शाखावाट पनि बोलपत्र आबेदन गर्न सकिन्छ ।

मिर्मिरेको दोस्रो बजारमा प्रतिकित्ता १५३९ रुपैयाँको हारारहाीमा कारोबार भईरहेको छ ।

शतप्रतिशत हकप्रद बिक्री पश्चात कम्पनीको १० करोड ३८ लाख ६० हजार रुपैयाँ पुग्नेछ । 

गतबर्षको कमाईबाट कम्पनीले २४ प्रतिशत बोनस सेयर र कर तिर्न १.२६ प्रतिशत नगद लाभांश दिने घोषणा गरेको छ । हकप्रद र लिलामी बिक्री पश्चात मिर्मिरेको चुक्ता पूँजी १२ करोड ८७ लाख ८६ हजार रुपैयाँ पुग्नेछ । बोनस सेयर हकप्रद र लिलामी भर्नेले पनि पाउनेछन् ।

गत असार मसान्तसम्ममा मिर्मिरेले ३ करोड ४ लाख २९ हजार रुपैयाँ खुद नाफा कमाएर प्रतिशेयर आम्दानी ५१ रुपैयाँ ७० पैसा र प्रतिशेयर नेटवर्थ १७३ रुपैयाँ ७५ पैसा कायम गरेको छ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।