राजधानीमा बर्षेनी आयोजना हुने सवारी साधनहरुको कुम्भ मेला नाडा अटो शो २०१८ को उद्घाटन गर्दै अर्थमन्त्री डा. युवराज खतिवडाले भने,:- 'पैसा हुनेले गाडी चढ्ने हो, ऋण लिएर नचढ्नुहोस् ।' अर्थमन्त्रीले यसो भनिरहँदा बैंकहरु बीच भने गाडी कर्जाका नयाँ-नयाँ योजना सार्वजनिक गर्ने प्रतिस्पर्धा नै चलेको छ ।

नाडा अटो शो को उद्घाटनका क्रममा अर्थमन्त्री खतिवडाले ऋण लिएर गाडी चढ्दा व्यक्ति र देश दुबैलाई फाइदा नहुने बताएका थिए । आम्दानी र क्षमताको आधारित उपभोग्य वस्तु निर्धारण हुनुपर्ने उनको भनाई थियो ।

यता बैंकहरुले भने अटो लोनको लागि आर्कषक योजनाहरु सार्वजनिक गरेका छन् । बैंकहरुले न्युनतम ३५ प्रतिशतसम्म डाउन पेमेन्ट गरेपछि सहज रुपमा गाडीको मूल्यको ६५ प्रतिशतसम्म अटो लोन प्राप्त गर्न सकिने योजनाहरु अघि सारेका छन् ।

नेपालमा गाडी चढ्नेहरुमध्ये करिब ९० प्रतिशतले बैंकबाट ऋण लिएर गाडी किन्ने गरेको पाईएको छ । यस्तो अवस्थामा ग्राहकहरुले अर्थमन्त्रीको सुझाब मान्लान् वा नमान्लान् त्यो भने हेर्न बाँकी नै छ ।

यता बैंकहरुले भने सवारी साधानहरुको कुम्भ मेलाकै अवसर पारेर गाडी कर्जाका आर्कषक योजनाहरु सार्वजनिक गर्न थालेका छन् ।

बैंकहरु बीच न्युतनम व्याजदरमा अन्य सेवा सुविधा सहित कर्जा दिन तिब्र प्रतिस्पर्धा नै चलेको छ । बैंकहरुले करिब १० प्रतिशत ब्याजदरको हाराहरीमा अटो लोन दिएको पाइन्छ । ऋण स्कीमको आाधारमा ५ वर्षे, १० वर्षे तथा १५ वर्षे समयवधिका कर्जा बढी प्रचलनमा रहेका छन् ।

गत आर्थिक वर्षमा मात्रै बैंकहरुले पौने दुई खर्ब रुपैयाँ यस्तो कर्जा परिचालन गरेका थिए ।

यस्ता छन् बैंकहरुका सवारी कर्जा योजना

एनआईसीको चमत्कारिक सवारी कर्जा

“एन.आई.सी एशियाको साँच्चै चमत्कार अब गर्नुहोस् आफ्नो सपना साकार” भन्ने नाराका साथ चमत्कारिक सवारी कर्जा सार्वजनिक गरेको छ । मासिक ब्याजदर ०.९ प्रतिशतमा अधिकतम १५ बर्षसम्मको लागि कर्जा लिन सकिने व्यवस्था छ ।

न्युनतम मासिक ११ हजार रुपैयाँ मात्रै तिर्न गरी ऋण उपल्बध हुन्छ । यस्ता तुरुन्तै कर्जा स्वीकृति प्राप्त गर्न सकिन्छ । घर जग्गा र सवारी दुबै कर्जा लिने ग्राहकहरुलाई विशेष छुटको समेत व्यवस्था गरिएको छ ।

गरिमा विकास बैंक

गरिमा विकास बैंकले सवारी साधानहरुमा कर्जा लगनी गर्दा वार्षिक १०.५० प्रतिशत व्याजदरमा कर्जा उपल्बध गराउने भएको छ । १२ वर्ष सम्मको लागि सरल किस्तावन्दीमा कर्जा लिन गरिमा बैंक र टोयोटा व्राण्डका आधिकारी विक्रेता युनाईटेड टेर्डस विच सम्झौता भएको छ ।

बैंकवाट कुनै सवारी साधानको ३५ प्रतिशत खरिद मुल्य तिरेपछि बाँकि ६५ प्रतिशत कर्जा प्रदान गर्दछ । त्यस अनुरुप सवारी साधानको मुल्यको आधारमा न्युन्तम २९ हजार मासिक किस्तामा सवारी साधान खरिद गर्न सकिन्छ ।

एभरेष्ट बैंक

एभरेष्ट बैंकले पनि अटो लोनमा नयाँ योजना ल्याएको छ । बैंकले ७ वर्ष अवधिसम्मको ९.९९ प्रतिशत ब्याजदर कर्जा दिने भएको हो । बैंकले अन्य सेवा तथा शर्तहरु भने राष्ट्र बैंकले तोके अनुसारको हुने जनाएको छ ।

सानिमा बैंक 

'सानिमा बैंक तपाईको गाडी चढ्ने सपना सानिमा बैंकले गर्छ पुरा’ भन्ने नाराका साथ अटो लोनको स्कीम ल्याएको छ । बैंकले सीमीत अवधिको लागि आर्कषक ब्याजदरमा कर्जा योजना ल्याएको हो । व्याजदर उल्लेख नगरिए पनि बैंकले सेवा शुल्कमा बिशेष छुट सहित ९ वर्षसम्मको लागि कर्जा प्रदान गर्ने जनाएको छ ।

नबिल बैंक

नबिल बैंकले पनि नयाँ निजी सवारी साधानका लागि ६ वर्ष अवधिको लागि ६५ प्रतिशतसम्म कर्जा उपलब्ध गराउने जनाएको छ । यस्तै पुरानो सवारी साधानको लागि पनि कर्जाको सुबिधा दिएको छ । आकर्षक ब्याजदरमा सहज कर्जा प्रदान गरीने बैंकले जनाएको छ ।

ग्लोबल आइएमई बैंक

ग्लोबल आइएमई बैंकले ७ वर्षसममको लागि कर्जा दिने जनाएको छ । बैंकले पुरानो वा नयाँ दुबै सवारी साधनका लागि अटोलोन उपलब्ध गराउने छ । राष्ट्र बैंकको नियम अनुसार अाधार ब्याजदर (बेस रेट) मा अधिकतम ५ प्रतिशत प्रिमियम लिने जानकारी बैंकले दिएको छ ।

स्ट्याण्डर्ड चार्टर्ड बैंक

स्ट्याण्डर्ड चार्टर्ड बैंकले ६ वर्ष अवधिको लागि ९.४९ प्रतिशतसम्ममा नै अटो लोन उपलब्ध गराउने जनाएको छ । यसका लागि प्रोसेसिङ शुल्क १ प्रतिशत लाग्ने बैंकले जनाएको छ । ट्रम लोनको रुपमा रहेको यो योजना निश्चत अवधि पछि समाप्त हुनेछ ।

माछापुच्छ्रे बैंक

माछापुच्छ्रे बैंकले नाडा अटो शोलाई लक्षित गर्दै अटो लोनका लागि नयाँ योजना ल्याएको छ । बैंकले आधार दरमा ०.५ प्रतिशतमात्रै प्रिमियम थप गरेर अटोलोन उपलब्ध गराउने भएको हो ।

अधिकतम १० वर्ष सम्मको लागि प्रदान गरिने कर्जाका लागि प्रोसेसिङ वापत १ प्रतिशत सेवा शुल्क लिने जनाएको छ ।