आगामी असोज २० गते लघुवित्त कम्पनीले डाकेको दशौं बार्षिक साधारण सभाका लागि असोज ५ गतेदेखि सेयर नामसारी दाखिल खारेज दर्ता बन्द रहने जनाएको छ ।
यसअनुसार असोज ४ गते बिहीबारसम्म कायम रहेका सेयरधनीहरुले मात्र बोनस सेयर प्राप्त गर्नेछन् । असोज ५ पछि सेयर किनेर सेयरधनी बन्ने लगानीकर्ताले भने बोनस पाउँदैनन् ।
स्वरोजगारको साउन ३१ गते बसेको सञ्चालक समितिको बैठकले गत बर्षको कमाईबाट २० प्रतिशत अर्थात दुई करोड ४४ लाख ९९ हजार ५५२ रुपैयाँ बोनस शेयर र कर प्रयोजनको लागि १.०५२६ प्रतिशत नगद लाभांश अर्थात १२ लाख ८९ हजार ४५० रुपैयाँ वितरण गर्ने प्रस्ताव गरेको छ ।
हाल १२ करोड २४ लाख रुपैयाँ चुक्ता पूँजी लघुवित्तको बोनसपछि चुक्ता पूँजी १४ करोड ६९ लाख पुग्नेछ । सो लाभांश नेपाल राष्ट्र बैंक र कम्पनीको आगामी साधारण सभाले स्वीकृत गरेपछि शेयरधनीलाई वितरण हुनेछ ।
लघुवित्तले गत आर्थिक बर्षमा तीन करोड ६५ लाख रुपैयाँ खुद नाफा गरेर प्रतिशेयर आम्दानी २९ रुपैयाँ ८६ पैसा कायम गरेको थियो ।