तीजको राताम्मे लहरमा नेप्सेमा दोहोरो अंकको हरियाली बरिलै !

Sep 12, 2018 Merolagani

नेपाली महिलाहरुको महान चाड तीजले बुधबार मठ मन्दिर र देश भरि जताततै राताम्मे छाएको छ । सेयर बजारको लगानीकर्ताको मनै प्रफुल्ल हुने गरि यता  सेयर बजार परिसूचक नेप्समा पनि दोहोरो अंकको हरियाली छाएको हाे ।

यस साता दुई दिन घटेर मंगलबारदेखि बजार बढ्न थालेको थियाे । नेप्से मंगलबारको तुलनामा बुधबार दोब्बरले बढेको छ । बुधबार नेप्से सूचक १३.०६ अंकले बढेर १२३०.७१ अंकमा बन्द भएकाे छ । मंगलबार नेप्से ६.७७ अंकले बढेको थियो ।

बुधबार १६५ कम्पनीका १३ लाख ९३ हजार ६४९ कित्ता सेयर ४३ करोड २९ लाख रुपैयाँ बराबरमा खरिद बिक्री भएका छन् । नेप्से बढेसँगै कारोबार रकम १० करोड रुपैयाँले बढाेत्तरी भएको छ । मंगलबार ३३ करोडको कारोबार भएको थियो ।

यसदिन शिर्ष कारोबार भएका दशवटै कम्पनीको एक करोड २८ लाख बढीको सेयर काराेबार भएको छ । एनआईसी एशिया बैंकको सबैभन्दा बढी चार करोड ८९ लाखको कारोबार भएको छ ।

ग्लोबल आईएमई बैंकको तीन ६९ लाख, एनएमबि बैंक दुई करोड ९६ लाख, प्रभु बैंक दुई करोड ११ लाख, स्वावलम्बन लघुवित्तको एक करोड ६६ लाखकाे काराेबार भयाे ।

त्यसैगरि कुमारी बैंकको एक करोड ४७ लाख, नेपाल इन्भेष्टमेन्ट बैंकको संस्थापक एक करोड ३८ लाख, नेपाल बैंक एक करोड ३० लाख, नेपाल टेलिकमको एक करोड २९ लाख र दशौं ठूलो कारोबार भएको प्राइम बैंकको एक करोड २८ लाख बढीको सेयर खरिद बिक्री भएको छ ।

बुधबारको बजारमा साना तथा मझौला कम्पनीहरुको सेयरमूल्य बढेको छ । गत अार्थिक बर्षकाे नाफाबाट आजै ६ प्रतिशत बोनस घोषणा गरेको रिडी हाइड्रोको सेयरमूल्य सबैभन्दा धेरै ५.२६ प्रतिशतले बढेको छ भने मल्टीपर्पस फाइनान्सले पनि रिडीको उचाईलाई पच्छाएको छ ।

प्रभु बैंक, एनआईसी एशिया, स्वावलम्बन लघुवित्त, राष्ट्रिय बीमा कम्पनी र हिमालयन पावर पार्टनर कम्पनीको सेयरधनीले ४ प्रतिशत बढीले नाफा कमाएका छन् ।

उता आईसीएफसी फाइनान्सको सेयरमूल्य सबैभन्दा बढी ५.७८ प्रतिशतले अवमूल्यन भएको छ । लक्ष्मी भ्यालू फण्ड १ को इकाई,स्वदेशी लघुवित्त, सिटी एक्सप्रेस फाइनान्स, र गोर्खाज फाइनान्सको सेयरमूल्य ३ प्रतिशत बढीले घटेको छ । 

कारोबारमा आएका दश उप समूहमध्ये सात समूहमा हरियाली छाएको छ भने तीन घटेको छ । मध्ये होटल, फाइनान्स र उत्पादन तथा प्रशोधनको सूचाङ्क सामान्य घटेको छ भने निर्जीवन बीमा, लघुवित्त, विकास बैंक, बैंकिङ्ग, अन्य जलविद्युत र जीवन बीमाको सूचाङ्क बढेको हो ।

उत्पादन तथा प्रशोधनमा सबैभन्दा धेरै २.६८ अंकले घटेको छ भने निर्जीवन बीमाको सूचाङ्क सबै भन्दा धेरै ११३.५२ अंकले बढेको छ ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।