मुक्तिनाथ विकास बैंकको बोनस सामान्य घट्यो, चुक्ता पूँजी ३ अर्ब नाघ्ने

Sep 13, 2018 Merolagani

मुक्तिनाथ विकास बैंक (MNBBL) को बोनस सामान्य घटेको छ । गत बर्षको कमाईबाट बैंकले आफ्नो शेयरधनीहरुलाई १८.२५ प्रतिशत बोनस सेयर वितरण गर्ने प्रस्ताव गरेको छ । अघिल्लो बर्ष बैंकले २० प्रतिशत बोनस सेयर वितरण गरेको थियो । 

बैंकले हाल कायम रहेको चुक्ता पूँजी दुई अर्ब ५९ करोड १७ लाख ६३ हजार ३१७ रुपैयाँको १८.२५ प्रतिशत बोनस तथा बोनसमा लाग्ने ०.९६ प्रतिशत नगद लाभांश कर प्रयोजनका लागि वितरण गर्ने प्रस्ताव गरेको हो ।

बोनस पश्चात बैंकको चुक्ता पूँजी ३ अर्ब ६ करोड ४७ लाख ६० हजार १२३ रुपैयाँ पुग्नेछ ।

बैंक सञ्चालक समितिले प्रस्ताव गरेको लाभांश नेपाल राष्ट्र बैंकवाट स्वीकृत भएपश्चात बैंकको साधारण सभाबाट पारित भएपछि शेयरधनीलाई वितरण हुनेछ ।

 

बैंकले बोनस वापत ४७ करोड २९ लाख ९६ हजार ८०६ रुपैयाँ तथा बोनसमा लाग्ने कर प्रयोजनका लागि दुई करोड ४८ लाख ९४ हजार ५६९ रुपैयाँ नगद लाभांश वितरण गर्नेछ । यसअनुसार बैंकले कूल ४९ करोड ७८ लाख ९१ हजार ३७५ रुपैयाँ लाभांशमा खर्च गर्नेछ ।

गत आर्थिक बर्षमा मुक्तिनाथले १८.१९ प्रतिशतले खुद नाफा बढाएर ५७ करोड ५४ लाख रुपैयाँ आर्जन गरेको थियो । बैंकको प्रतिसेयर आम्दानी २२ रुपैयाँ २० पैसा रहेको छ ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।