बैंक स्थापनामा ढिलाइकाे कारण बन्याे सुरक्षा चुनाैती

Sep 13, 2018 RSS

बैतडी जिल्लाका दुई स्थानीय तहमा सुरक्षा व्यवस्था हुन नसक्दा अझैसम्म बैंक स्थापना हुन सकेका छैनन् । जिल्लाको तल्लो स्वराडमा पर्ने शिवनाथ गाउँपालिकामा सुरक्षा अभावका कारण बैंक स्थापना हुन नसकेको हो । 

गाउँपालिका केन्द्र रहेको सुल्लेखानमा प्रहरी चौकी नहुँदा यसअघि नै नेपाल एसबिआर्इ बैंकको स्थापना हुने भनिए पनि सुरक्षाका कारण हुन नसकेको उक्त गाउँपालिकाका उपाध्यक्ष कुश्मा चन्दले जानकारी दिए ।

गाउँपालिकामा सुरक्षा आवश्यक परेमा मेलौलीबाट ल्याउनुपरेको छ, उनले भने, “बैंकले सुरक्षा व्यवस्था भएको दिनदेखि नै शाखा आउने भनेको छ” अबको एक महिनाभित्रै शाखा स्थापना गर्ने गरी सुरक्षा व्यवस्थाको प्रबन्ध भइरहेको छ ।

प्रहरी चौकी स्थापनाका लागि जिल्ला प्रशासन कार्यालय र जिल्ला प्रहरी कार्यालयलाई अनुरोध गरिएको उनले बताए । जिल्ला प्रहरी कार्यालयका प्रमुख प्रहरी नायब उपरीक्षक नेत्रमणि गिरीले शिवनाथमा प्रहरी चौकी स्थापना गर्ने विषय जिल्ला सुरक्षा समितिबाट पारित भइसकेको बताए ।

उक्त गाउँपालिकाको शर्माली बजारमा प्रहरी चौकी भए पनि त्यहाँबाट गाउँपालिकाको केन्द्र सुल्लेखान पुग्न चार घण्टा लाग्छ । सुल्लेखानमा प्रहरी चौकी स्थापना गर्न आवश्यक छ, उनले भने, “प्रहरी चौकी स्थापनाका लागी माथिको आदेश चाहिन्छ , यसका लागि हामीले सिफारिस गरेर ७ नं प्रदेश प्रहरी कार्यालयमा पठाएका छौँ ।”

उक्त गाउँपालिकामा १५ दिनभित्रै प्रहरी चौकीको स्थापना हुने जिल्ला प्रहरी कार्यालयले जनाएको छ ।

यस्तै जिल्लाको दुर्गम सिगासमा पनि बैंकका शाखा स्थापना हुन सकेको छैनन् । विद्युत्, सडक, इन्टरनेट नहुँदा बैंक स्थापना हुन नसकेको गाउँपालिका अध्यक्ष हरिसिंह धामीले जानकारी दिए।

गत महिना कृषि विकास बैंक स्थापनाका लागि तयारी भए पनि विभिन्न समस्याका कारण स्थापना हुन नसकेको गुनासो गर्दै उनले भने, “विद्युत्, इन्टरनेटको प्रबन्ध भइरहेकाले अबका केही दिनमै बैंकले पनि सेवा दिन्छ।”

सदरमुकाम धाउनुपर्ने बाध्यता

सरकारले वि.सं. २०७४ साउनमै देशका सबै स्थानीय तहमा बैंकका शाखा स्थापना गर्ने भने पनि ती दुई गाउँपालिकामा अझैसम्म बैंङ्कका शाखा स्थापना नभएकाले त्यहाँका क्षेत्रका नागरिक सदरमुकाम धाउन बाध्य छन् ।

बैंक नहुँदा आफूहरूले सास्ती भोग्दै आएको शिवनाथका वीरेन्द्र महताले बताए । गाउँमा बैंक नहुँदा समस्या भएको छ उनले भने, “सानो बैंकिङ कारोबारलाई पनि सदरमुकाम पुग्नुपर्छ ।”

उक्त गाउँपालिकाका उपाध्यक्ष चन्दले भने, “बैंक स्थापनाका लागि कुरा अगाडि बढिसकेको छ” गत वर्ष पनि बैंक नहुँदा सम्पन्न भएका विभिन्न योजनाका भुक्तानीमा ढिलाइ भएको थियो ।

यस्तै समस्या सिगास गाउँपालिकामा पनि भएको स्थानीयवासी पद्म साउदले बताए। बैंकिङ्ग कारोबारकै लागि एक हजारभन्दा रूपैयाँ भन्दाबढी खर्च गरेर डडेल्धुरा तथा सदरमुकाम पुग्नुपर्ने बाध्यता रहेको उनको भनाइ छ । गत महिनामै कृषि विकास बैंक स्थापनाका लागि तयारी भए पनि विभिन्न समस्याका कारणले स्थापना हुन नसकेको गाउँपािलका उपाध्यक्ष द्रोपति चन्दले बताए ।

आठ स्थानीय तहमा बैंक
जिल्लाका १० स्थानीय तहमध्ये आठमा यसअघि विभिन्न बैंकका शाखा स्थापना भइसकेका छन् । सिगास र शिवनाथ गाउँपालिकाबाहेकका स्थानीय तहमा विभिन्न बैंकका शाखा स्थापना भइसकेका हुन् ।

पुर्चौडी नगरपालिका र दोगडाकेदार गाउँपालिकाका ग्लोबल आइएमइ बैंक, डिलाशैनीमा कुमारी बैंक, सुर्नया गाउँपालिकामा नेपाल इन्भेष्टमेन्ट बैंक, पञ्चेश्वरमा नोबेल बैंक र मेलौलीमा एनसीसी बैंकका शाखा स्थापना भइसकेका छन् ।

सदरमुकामस्थित दशरथचन्द नगरपालिकामा वाणिज्य बैंक लगायत शाखा छन् भने पाटन नगरपालिकामा कृषि विकास बैंक लगायत अन्य शाखा छन् ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।