गत आर्थिक बर्षमा कम्पनीले एक अर्ब ३२ करोड २३ लाख रुपैयाँ सञ्चालन आम्दानी र अन्य बिजनेसबाट १४ करोड ७८ लाख गरि कूल एक अर्ब ४७ करोड कूल आम्दानी गरेको छ ।
अघिल्लो बर्ष कम्पनीले एक अर्ब २६ करोड ७५ लाख सञ्चालन आम्दानी र अन्य बिजनेशबाट १६ करोड २० लाखख रुपैयाँ गरि कूल एक अर्ब ४२ करोड रुपैयाँ आम्दानी गरेको थियो । समीक्षा अवधिमा कम्पनीको आम्दानी पाँच करोड बढी रुपैयाँले वृद्धि भएको छ ।
हाेटल्सले आम्दानी सामान्य मात्र बढ्नुमा यस अवधिमा होटलको व्याङ्क्वेट हल र मिटिङ्ग हलको संरचना परिवर्तन र निमार्णका लागि बन्द हुने कारण देखाएकाे छ । त्यस्तै प्रशासनिक, साधारण तथा अन्य सञ्चालन खर्च समेत बढेकाले नाफा घटेको उसकाे दाबी छ ।
तारागाउँ रिजेन्सी होटल्सले गत आर्थिक बर्षको चौथो त्रैमाससम्ममा २५ करोड ७० लाख रुपैयाँ मात्रै नाफा गरेको छ जबकी अघिल्लो आवमा २८ करोड ७ लाख रुपैयाँ नाफा आर्जन गरेको थियो । समीक्षा अवधिमा कम्पनीको नाफा दुई करोड ३७ लाख रुपैयाँले ह्रास आएको हो ।
कम्पनीको खर्च लागत अघिल्लो बर्ष ३७ करोड ८४ लाख ७३ हजार रहेकोमा ४० करोड ९६ लाख एक हजार पुगेको छ । कम्पनी ग्रस प्रोफिट ८८ करोड ९० लाखबाट ९१ करोड २७ लाखमा बढेको छ । खर्च बढ्दा समग्र नाफा भने घटेको हो ।
होटल्सको शेयर पूँजी एक अर्ब ८८ करोड ६६ लाख र जगेडा कोषमा ४३ करोड ३ लाख १३ हजार रुपैयाँ सञ्चित छ ।कम्पनीको बार्षिक प्रतिशेयर आम्दानी १३ रुपैयाँ ६३ पैसा, प्रति शेयर नेटवर्थ १२८ रुपैयाँ र मूल्य आम्दानी अनुपात २०.११ गुणाले बढी छ ।
