प्रभु इन्स्योरेन्सको लिलामी सेयर बाँडफाँड, कति कायम भयो कटअफ मूल्य ?

Sep 14, 2018 Merolagani

प्रभु इन्स्योरेन्स कम्पनी (PRIN) को लिलामी सेयर शुक्रबार बाँडफाँड भएको छ । बिक्री प्रबन्धक प्रभु क्यापिटलमा खोलिएको बोलपत्रमा साधारण सेयरको कटअफ मूल्य ४५१ रुपैयाँ कायम भएको छ । संस्थापक सेयरकाे कटअफ १७० रूपैयाँ कायम भएकाे छ ।

प्रभु इन्स्योरेन्स कम्पनीले भदौ १७ देखि २४ गतेसम्म १५ हजार ८६१.७६ कित्ता संस्थापक सेयर र एक लाख २१ हजार १५४.८७ कित्ता साधारण सेयर लिलामीमा ल्याएको थियो । 

इन्स्याेरेन्सकाे साधारण सेयरका लागि एक हजार १६ वटा र  संस्थापक सेयरका लागि ३ वटा मात्र आवेदन परेको थियाे ।

साधारण सेयरका लागि अधिकतम ५०० रुपैयाँसम्मको आवेदन परेको थियाे । एक आवेदकले १०० कित्ता सेयरका लागि सो मुल्यमा बोलपत्र पेश गरेका हुन् । त्यसैगरि अर्का एक अावेदकले पाँच हजार कित्ता सेयर न्यूनतम मूल्य १०० रूपैयाँमा समेत अावेदन गरेका छन् ।

त्यसैगरि संस्थापक सेयरका लागि  १७० रुपैयाँमा आवेदन गर्नेले मात्र सेयर प्राप्त गरेका छन् । 

comments powered by Disqus

रोजगारी सृजनाबाटै गरीबी घट्छ : अङ्कट्याड

Nov 21, 2018

विश्वका निर्धनतम देशले रोजगारीका अवसर सृजना गर्ने गतिशील व्यापार एवं उद्यमशीलताबाट मात्र गरिबीको अन्त्य गर्नसक्ने पछिल्लो एउटा अन्तर्राष्ट्रिय अध्ययनले देखाएको छ। संयुक्त राष्ट्रसङ्घीय व्यापार तथा विकास सम्मेलन (अङ्कट्याड) ले मंसिर ४ गते विश्वभर एकैपटक सार्वजनिक गरेको अल्पविकासति देशहरूसम्बन्धी वार्षिक प्रतिवेदनमा गरिबी घटाउने एक मात्र औजार उद्यमशीलता भएको जनाइएको छ ।