अघिल्लो बर्ष दश प्रतिशत बोनस र पाँच प्रतिशत नगद वितरण गरेको बैंकले यो बर्षको बोनस बढाएर १२ प्रतिशत पुर्याएको छ भने करको लागि मात्र नगद लाभांश प्रस्ताव गरेको छ । बैंकले बोनस बापतको करका लागि ३२ लाख रुपैयाँ छुट्याएको छ ।
बैंकले प्रस्ताव गरको लाभांश राष्ट्र बैंकको स्वीकृति पश्चात आगामी साधारणसभाले पारित गरेपछि मात्र शेयरधनीले पाउनेछन् ।
अघिल्लो बर्षको तुलनामा गतबर्ष बैंकको नाफा घटेपनि बैंकले नगद घटाएर बोनस बढाएर लाभांश प्रस्ताव गरेको छ । गत आर्थिक वर्षमा बैंकले ७ करोड १७ लाख रुपैयाँ खुद नाफा आर्जन गरेको थियो । जबकि बैंकले अघिल्लो बर्ष ९ करोड ६७ लाख रुपैयाँ खुद नाफा गरेको थियो ।
बैंकको चुक्ता पूँजी ५० करोड ६९ लाख रुपैयाँ छ । बोनसपछि बैंकको चुक्ता पूँजी ५६ करोड ७७ लाख पुग्नेछ ।
