बिहीबारको बजारमा नेप्से सूचक ३.७४ अंकले घटेर १२५५.०७ अंकमा झरेको छ । १६७ कम्पनीको शेयर किनबेच भएको बजारमा ५५ करोड ५० लाख रुपैयाँभन्दा बढीको कारोबार भयो ।
यसदिन एघार समूहको कारोबार भएकोमा तीन समूहका बाहेक सबै समूहका सूचक ओरालो लागेका छन् ।
होटल, विकास बैंक र अन्य सूचक हरियो रहदा बैंकिङ, हाइड्रोपावर, फाइनान्स, जीवन बीमा कम्पनी, निर्जीवन बीमा कम्पनी, माइक्रोफाइनान्सको सूचक घटेका छन्। निर्जीवन बिमा समूह सबैभन्दा धेरै १०७.४८ अंकले घटेको छ भने होटेल समूह सबैभन्दा धेरै २०.५७ अंकले उक्लिएको छ ।
यस दिन ७ करोड ४६ लाख रुपैयाँभन्दा धेरैको सेयर कारोबार भएको सानिमा माई हाइड्रोपावर सबैभन्दा अघि छ । छ । एनआइसी एसिया, एनएमबि, प्रभु बैंक लगायतको धेरै कारोबार भएको छ ।
यस्तै, एनआइसी एशिया बैंकको ४ करोड ४० लाख, एनएमबीको ३ करोड ८२ लाख, प्रभू बैंकको १ करोड ८६ लाख, नेपाल बैंकको १ करोड ६२ लाख, देवः विकास बैंकको १ करोड ४१ लाख, स्वरोजगार लघुवित्तको १ करोड १४ लाख बढीको कारोबार भयो ।
ग्लोबल आइएमई समुन्नत स्किमका ईकाइधनीले सबैभन्दा धेरै १० प्रतिशतले कमाएका छन् भने सिनर्जी पावरका शेयरधनीले सबैभन्दा धेरै ५.८८ प्रतिशतले गुमाएका छन्।