कम्पनीको असोज चार गते बसेको सञ्चालक समितिको ७५ औं बैठकले गत आर्थिक वर्षको मुनाफाबाट शेयरधनीहरुलाई २५ प्रतिशत बोनस शेयर र १५ प्रतिशत नगद गरी ४० प्रतिशत लाभांश वितरण गर्ने प्रस्ताव गरेको हो ।
अघिल्लो आर्थिक वर्षमा कम्पनीले २० प्रतिशत बोनस शेयर र १५ प्रतिशत नगद लाभांश गरी कूल ३५ प्रतिशत लाभांश वितरण गरेको थियो ।
१२ करोड ३ लाख रुपैयाँ चुक्ता पूँजी रहेको कम्पनीको प्रस्तावित लाभांश बितरण पश्चात चुक्ता पूँजी १५ करोड ३ लाख ७५ हजार रुपैयाँ पुग्नेछ । गत आर्थिक वर्षमा १९ प्रतिशतले खुद नाफा बढाएर प्रति शेयर आम्दानी ७१ रुपैयाँ २६ पैसा कायम गरेको माइक्रोफाइनान्सको प्रति शेयर नेटवर्थ २ सय ४२ रुपैयाँ ०८ पैसा रहेको छ ।
कम्पनीले प्रस्ताव गरेको लाभांश राष्ट्र बैंकको स्वीकृति पश्चात आगामी साधारणसभाबाट पारित भएपछि लगानीकर्ताहरुले पाउने छन् ।
