जलविद्युत आयोजनाले बाग्लुङ्गमा २.५ मेगावाटको दरमखोला ए साना जलविद्युत आयोजना निर्माण गरेको छ ।
उसले जारी पूँजीकाे १० प्रतिशत अर्थात तीन करोड रुपैयाँको बराबरको ३ लाख कित्ता सेयर निष्काशनका लागि साउन २३ गते धिताेपत्र बाेर्डमा आवेदन दिइसकेको छ । बाग्लुङ जिल्लाका आयोजना प्रभावित स्थानीय बासिन्दाका लागि पहिलो बार्षिक साधारण सभाबाट अनुमोदन भएको सो सेयर निष्काशनका लागि कम्पनीले नियामकको अनुमति पर्खाईमा रहेको छ ।
यता कम्पनीले दोस्रो बार्षिक साधारण सभामा अनुमोदन गराएर जारी पूँजीकाे २० प्रतिशत ६ करोड रुपैयाँ बराबरको ६ लाख कित्ता सेयर सर्वसाधारणमा जारी गर्न लागेको हो ।
कम्पनीले पहिलो बार्षिक साधारण सभाबाट स्थानीयका लागि मात्र आईपिओ जारी गर्ने प्रस्ताव पारित गरेको थियो । सर्वसाधारणको लागि दोस्रो साधारणसभाबाट प्रस्ताव पारित गरेर प्रकृया अगाडि बढाइने सयपत्री हाइड्रोले जनाएको छ ।
कम्पनीले पहिलो चरणमा आयोजना प्रभावित क्षेत्र बाग्लुङ्गका बासिन्दाहरुका लागि जारी पूँजीको १० प्रतिशत र दोस्रो बार्षिक साधारण सभाबाट गराएर २० प्रतिशत सेयर सर्वसाधारणलाई निष्काशन गर्नेछ । हाल कम्पनीकाे जारी पूँजी ३० कराेड रूपैयाँ रहेकाे छ ।
कम्पनीले बाग्लुङ्गमा २.५ मेगावाटको दरमखोला ए साना जलविद्युत आयोजना निर्माण गरेको छ । जसले ०७३ असारदेखि उत्पादन समेत थालिसकेको छ । आयोजनाको बिजुली उत्पादन गर्ने क्षमता वार्षिक १३.४८ गिगावाट रहेको बताइएको छ ।
