जीवन बीमा कम्पनीहरुले गत आर्थिक वर्षको असार मसान्त सम्ममा २४ हजार ४३८ दाबीको लागि ३ अर्ब ७८ करोड रुपैयाँ बराबरको दाबी भुक्तानी गरेको छ । यस्तै ६ हजार १९८ दाबी वापत ५१ करोड ८२ लाख रुपैयाँ बराबरको दाबी भुक्तानी गर्न बाँकी छ ।
यस अवधि सम्ममा जीवन बीमा कम्पनीहरुको ५० लाख ९४ हजार ८४० बीमालेखहरु कायम छन् । जस मध्ये १९ लाख १८ हजार ७८ बैदेशिक रोजगार म्यादी बीमालेख जारी गरेका छन् ।
अन्य जीवन बीमा वापत म्यादी बीमा वापत जीवन बीमा कम्पनीहरुले २ अर्ब ७९ करोड ८२ लाख रुपैयाँ बराबरको बीमा शुल्क आर्जन गरेको छ ।
कम्पनीहरुले २६ लाख ६२ हजार ९२३ बीमालेखवाट ३६ अर्ब २८ करोड रुपैयाँ बराबरको बीमा शुल्क आर्जन गर्न सफल भएको बीमा समितिको तथ्यांक रहेको छ ।
जीवन बीमा कम्पनीहरुको चुक्ता पूँजी २५ अर्ब ४२ करोड रुपैयाँ, लगानी १ खर्ब ७७ अर्ब ८१ करोड रुपैयाँ र नगद तथा बैंक मौज्दात ३ अर्ब ४७ करोड रुपैयाँ रहेको छ ।
यस अवधि सम्ममा कम्पनीहरुले पूर्नबीमा शूल्क वापत ६४ करोड ९१ लाख रुपैयाँ भुक्तानी गरेको छ भने पूर्नबीमा कमिशनवाट ११ करोड १२ लाख रुपैयाँ प्राप्त गरेको छ ।
गत आर्थिक वर्षको असार मसान्त सम्ममा बीमक कम्पनीको कार्यालय एक हजार ३८ वाट पुगेको छ । यस्तै कर्मचारीहरुको संख्या ३ हजार ३८८ जना र अभिकर्ताहरुको संख्या ३ लाख ८६ करोड ९७७ जना पुगेको छ ।
