लाभांश घोषणा गर्न बाँकी रहेका वाणिज्य बैंकहरुप्रति लगानीकर्ताको झुकाब देखिएको छ । जसले गर्दा समग्र बजारमा त्यसको सकारात्मक प्रभाव परेको छ भने कारोबार समेत उत्साहजनक भएको छ ।
साताको पहिलो दिन नेप्से सूचक २.६१ अंकले बढेर १२५७.६८ विन्दुमा पुगेको छ । १६७ कम्पनीको कारोबार भएको बजारमा ५५ लाख ४९ हजार ६२१ कित्ता सेयर खरिदबिक्री ६९ करोड ३६ लाख रुपैयाँ बराबरमा किनबेच भए ।
नेप्सेमा ११ वटा समूहको सेयर कारोबार भएकोमा ६ वटा समूहका सूचक बढेका छन् भने ५ वटा समूह तल झरेका छन । बैंकिङ, व्यापार, होटल, विकास बैंक, हाइड्रोपावर, फाइनान्सको सूचक बढेको छ भने र्जीवन बीमा, उत्पादन तथा प्रशोधन, अन्य, माइक्रोफाइनान्स र निर्जीवन बीमाको सूचक घटेको छ।
आइतबार सबैभन्दा धेरै एनआइसी एशियाको ७ करोड ४ लाख रुपैयाँको कारोबार भयो त्यस्तै ग्लोबल आईएमई, प्रभु, एनएमबि तथा नेपाल बैंक लगायतको पनि उच्च कारोबार भएको छ । क्यापिटल मर्चेन्ट बैंक तथा फाइनान्सको ६ करोड ७८ लाख रुपैयाँको प्रमोटर शेयरको म्यानुअल कारोबार भएको छ।
साल्ट ट्रेडिङ कर्पोरेसनको शेयरमूल्य सबैभन्दा धेरै ८.९८ प्रतिशतले बढेको छ भने कालिका लघुवित्तका सबैभन्दा धेरै ७.४३ प्रतिशतले घटेको छ । प्रभु बैंक, मञ्जुश्री फाइनान्स, काबेली विकास तथा जानकी फाइनान्स लगायतको शेयर मूल्य बढ्दा स्वोरजोगार लघुवित्त नेशनल हाइड्रो लगायतको भाउ घटेको छ ।
