जेबिल्स फाइनान्सको ४३% हकप्रद बिकेन, झण्डै १० लाख कित्ता लिलामीमा आउने

Sep 23, 2018 Merolagani

जेबिल्स फाइनान्स (JEFL) ले असार १० देखि साउन २८ गतेसम्म निष्काशन गरेको चुक्ता पूँजीको ४० प्रतिशत हकप्रदमा सेयरधनीको न्यून आवेदन परेपछि फाइनान्सले ९ लाख ९७ हजार ६२८ कित्ता शेयर लिलामी मार्फत बिक्री गर्ने भएको छ ।

सेयर बजार अस्थिर बन्दा तथा कम्पनीको व्यवसायमा देखिएको फितलो प्रगतिले फाइनान्सको सेयरमूल्य धितोपत्रको दोस्रो बजारमा एक सय रुपैयाँ झर्न पुग्याे । साेही कारणले फार्इनान्सकाे ठूलो परिमाणमा हकप्रद बिक्री नभएको हो । 

फाइनान्सले ४० प्रतिशत बराबरको २३ लाख ११ हजार ६५० कित्ता हकप्रद जारी गर्दा सेयरधनी मार्फत १३ लाख १४ हजार २२ कित्ताका लागि मात्र आवेदन परेको थियो । सो सेयर फाइनान्स कम्पनीको सञ्चालक समितिले असोज १ गते बाँडफाँड गरेको छ । बाँकी सेयर भने फाइनान्सले लिलाम बढाबढ मार्फत बिक्रीमा ल्याउनेछ ।

फाइनान्सको सेयर बिक्री प्रबन्धक सनराइज क्यापिटल रहेको छ ।

फाइनान्सको चुक्ता पूँजी ६३ करोड ३६ लाख ३३ हजार रुपैयाँ छ । हकप्रद शेयर निष्काशन पश्चात फाईनान्सको चुक्ता पूँजी ८० करोड ९० लाख ७७ हजार ५०० रुपैयाँ पुग्नेछ ।

असोज ७ गते आइतबार फाइनान्सको प्रतिकित्ता शेयरमूल्य १०० रुपैयाँको कारोबार भएको छ ।

comments powered by Disqus

लिलामीकाे शेयर सस्तोमै उठाउने अवसर,चार कम्पनीले झण्डै एक कराेड कित्ता लिलामी गर्ने

Dec 19, 2018

पुस महिनामा हकप्रदमा अवितरित संस्थापक र साधारण शेयर गरि कूल ९७ लाख ७६ हजार ६३३ कित्ता शेयर बिक्रीमा ल्याउने सूचना कम्पनीहरूले प्रकाशन गरिसकेका छन्। एनसीसी बैंक सहित चार कम्पनीले बोलकबाेल प्रकृयाबाट लिलाम बढाबढमा साे शेयर बिक्री गर्न लागेका हुन् ।