सभाले चुक्ता पूँजीको १७.७० प्रतिशत अर्थात २४ करोड ४० लाख ४९ हजार ८६० रुपैयाँ बराबरको बोनस शेयर र कर तिर्न एक करोड २८ लाख ४४ हजार ७२९ रुपैयाँ वितरण गर्ने प्रस्ताव पारित गर्नेछ ।
त्यसैगरि सभाले अन्य कुनैपनि बैंक तथा वित्तीय संस्थामा मर्जर तथा प्राप्तीमा जान समाहित हुने सम्बन्धमा सञ्चालक समितिलाई सम्पूर्ण अख्यिारी प्रदान गर्ने प्रस्ताव गर्ने भएको हो ।
बैंक अन्य बैंक तथा वित्तीय संस्थासँग एक आपसमा गाभ्ने गाभिने प्रयोजनका लागि आवश्यक सम्पूर्ण प्रकृया अगाडि बढाउन सञ्चालक समतिलाई अख्तियारी प्रदान गर्ने भएको छ ।
त्यसका लागि उपयुक्त बैंक तथा वित्तीय संस्थाको पहिचान गर्ने, सम्पत्ति तथा दायित्व मूल्याङ्कन (डिडिए) गर्न मूल्याङ्कनकर्ता नियुक्त गर्ने प्रस्ताव पनि साधारण सभामा अनुमोदन गराउने विशेष प्रस्ताव रहेको छ ।
साधारण सभा प्रयोजनको लागि बैंकले असोज १६ गतेदेखि बुकक्लोज गर्ने भएको छ । असोज १५ गतेसम्म कायम रहेका सेयरधनीले बोनस शेयर प्राप्त गर्न सक्नेछन् ।