२१ करोड रुपैयाँ चुक्ता पूँजी रहेको प्रोग्रेशिभ फाइनान्सले राष्ट्र बैंकले तोकेको ८० करोड रुपैयाँ पूँजी कायम गर्न २८१ प्रतिशत बराबरको ५९ लाख १ हजार कित्ता हकप्रद बिक्रीमा ल्याएको थियो ।
यस हकप्रदमा साउन २२ गतेसम्म कायम रहेका सेयरधनीले धितोपत्र बोर्डबाट सि-आस्वा सेवामा सहभागी बैंक तथा वित्तीय संस्थाको सबै शाखा मार्फत आवेदन दिन सक्नेछन् ।
त्यसैगरि बिक्री प्रबन्धक सनराइज क्यापिटल कमलपोखरी, प्रोग्रेसिभ फाइनान्सको केन्द्रीय कार्यालय न्यूरोड र बनेपा शाखा तथा सनराइज बैंकका शाखा कार्यालयहरु विराटनगर, पोखरा, वीरगञ्ज, बुटवल, धरान, नारायणगढ, नेपालगञ्ज, दमक, राजविराज र लहानबाट आवेदन दिने व्यवस्था बिक्री प्रबन्धकले मिलाएको छ ।
गत आर्थिक वर्षको चौथो त्रमाससम्म ३५ लाख ४७ हजार रुपैयाँ खुद नाफा कमाएको फाइनान्सको प्रतिसेयर आम्दानी १ रुपैयाँ ६९ पैसा रहेको छ ।
फाइनान्सको सेयरमूल्य असोज ७ गते आइतबार प्रतिकित्ता १०१ रुपैयाँमा कारोबार भएको छ । दाेस्राे बजारमा फाइनान्सकाे सेयरमूल्य हकप्रदकाे अंकित मूल्यमा नै झरेकाे छ । यसै कारण सेयरधनीले हकप्रदमा अरूचि देखाएका हुन् ।
जेबिल्स् फाइनान्सकाे ४० प्रतिशत हकप्रदमा पनि ४३ प्रतिशत बढी हकप्रद सेयर अवितरित भएकाे छ ।