साथै उनले बीमा क्षेत्रको क्षेत्र र पहुँच विस्तार गर्न सबै क्षेत्रको जोखिम कभर गर्नुपर्ने तर्फ बीमा कम्पनीहरुको ध्यानकर्षण गराए । त्यस्तै बीमा व्यवसायलार्इ प्राकृतिक जोखिमको बीमासँगै साइबर जोखिमको पनि बीमा अघि बढाउन सुझाब दिए ।
अर्थमन्त्री खतिवडाले प्रविधिको बढ्दो प्रयोगले साइबर क्राइमको जोखिम बढेको बताउँदै साइबर बीमा व्यवसायमा जोड दिनुपर्ने बताए । यस्तै लघुबीमा तथा स्वास्थ्य बीमा कार्यक्रम जस्ता गतिविधिले बीमाको दायर विस्तार हुने उनको भनाई छ ।
बीमा कम्पनीले सेयर बजारमा लगानी गरेकोमा असन्तुष्टि
साथै अर्थमन्त्री खतिवडाले बीमा क्षेत्रले सेयर बजारमा लगानी गरेकोप्रति असन्तुष्टि जनाए । उनले सेयर बजारमा लगानी गर्दा जोखिमको ख्याल गर्नुपर्ने बताउँदै लगानी विविधिकरण गर्न र जोखिम हस्तान्तरण हुने गरी बीमा कम्पनीहरु अघि बढ्नुपर्ने सुझाव दिए ।
मंगलबारबाट शुरु भएको सम्मेलन दुई दिनसम्म चल्ने छ । सम्मेलनमा विकासोन्मुख राष्ट्रका बीमा कम्पनीहरु, पुनर्बीमा कम्पनी, बीमा क्षेत्रका नियामक निकायहरुको सहभागिता रहेको छ ।