कम्पनीको प्रमुख कार्यकारी अधिकृत रामहरि दाहालले लघुवित्तको सेवालाई अझ सबल र सक्षम रुपमा विस्तार थप पूँजी आवश्यक पर्ने भएकाले शतप्रतिशत हकप्रद जारी गर्न लागिएको बताए ।
हकप्रद जारी गर्दा भिन्न अंकलाई माथिल्लो पूर्ण अंकमा आवेदन दिन पाउने गरि कम्पनीको छैटौं बार्षिक साधारण सभाबाट अनुमोदन गराउने उनको भनाई छ ।
हकप्रदको सूचनाले कम्पनीको सेयरमूल्य मंगलबार झण्डै चार प्रतिशतले बढेको छ ।
कम्पनीले गत आर्थिक बर्षमा वितरण गरेको १५ प्रतिशत बोनस सेयर पश्चात कायम हुने चुक्ता पूँजी ३२ करोड ८९ लाख बराबरको हकप्रद जारी गर्ने प्रस्ताव गरेकाे हो । यस हकप्रद पश्चात माइक्रोफाइनान्सको चुक्ता पूँजी ६५ करोड ७८ लाख रुपैयाँ पुग्नेछ ।
हकप्रद पश्चात कम्पनीको चुक्ता पूँजी वृद्धि हुने भएकाले कम्पनीको प्रबन्धपत्र तथा नियमावली आवश्यक संसोधन गर्ने प्रस्ताव पनि साधारण सभाबाट अनुमोदन गराउनेछ ।
मेरोले गत आर्थिक बर्षमा १५ प्रतिशत बोनस र ११.३२ प्रतिशत नगद लाभांश वितरण गरेको थियो ।
ग्लाेबल अाइएमर्इ बैंक सहित आठ वाणिज्य बैंक र दुई विकास बैंकको अग्रसरतामा २०७० असार ३० मा यो कम्पनी स्थापना भएको थियो । कम्पनीमा ६९.४ प्रतिशत संस्थापक र ३०.६ प्रतिशत साधारण सेयर स्वामित्व रहेको छ ।
