यसअनुसार असोज १६ गतेसम्म कायम रहेका सेयरधनीले कम्पनीले गत बर्षको नाफाबाट प्रस्ताव गरेको १५ प्रतिशत बोनस र ११.३२ प्रतिशत नगद गरि कूल २६.३२ प्रतिशत लाभांश प्राप्त गर्नेछन् ।
छैटाैं साधारण सभाबाट कम्पनीले शतप्रतिशत हकप्रद जारी गर्ने प्रस्ताव समेत पारित गर्नेछ । लघुवित्तको सेवालाई अझ सबल र सक्षम रुपमा विस्तार थप पूँजी आवश्यक पर्ने भएकाले हकप्रद निष्काशन गर्न लागेकाे कम्पनीले जनाएकाे छ ।
कम्पनीले गत आर्थिक बर्षमा वितरण गरेको १५ प्रतिशत बोनस सेयर पश्चात कायम हुने चुक्ता पूँजी ३२ करोड ८९ लाख बराबरको हकप्रद जारी गर्ने प्रस्ताव गरेको छ । यस हकप्रद पश्चात माइक्रोफाइनान्सको चुक्ता पूँजी ६५ करोड ७८ लाख रुपैयाँ पुग्नेछ ।
गत आर्थिक वर्षको अन्त्यसम्ममा माइक्रोफाइनान्सले ९ करोड ४७ लाख ३४ हजार रुपैयाँ खुद नाफा कमाएर प्रतिसेयर आम्दानी ३३ रुपैयाँ २५ पैसा कायम गरेको थियो । साेमबार कम्पनीकाे सेयरमूल्य दाेस्राे बजारमा प्रतिकित्ता १३६० रूपैयाँ हाराहारीमा काराेबार भैरहेकाे छ ।
