विकासोन्मुख राष्ट्रका बीमा कम्पनीहरुको २१ औं सम्मेलनको उद्घाटनसत्रमा अध्यक्ष चापागाँइले यस्तो भनाई राखेका हुन् ।
सम्मेलनवाट थप नयाँ कुरा सिक्न पाउने र त्यसलाई कार्यन्वयनमा ल्याउने उनले वताए । सम्मेलनमा बीमाको वर्तमान समस्या र आगामी चुनौती लगायत प्राकृतिक विपद् जोखीम व्यवस्थापन सम्बन्धी विषयलाई मुख्य एजेण्डा रहेको छ ।
जसले गर्दा बीमा क्षेत्रको विस्तार तथा प्राकृतिक प्रकोपको जोखिम न्युनिकरण गर्न र बीमालेखहरुको रिभ्यु गर्न सहयोग पुग्ने उनको भनाई छ । सबै क्षेत्रको बीमा समेट्ने गरी काम अघि बढेको र साईवार जोखिमको बीमा कार्यक्रम पनि लागु गर्ने तयारीमा रहेको उनले जानकारी गराए ।
बीमा कम्पनीहरुले गत २०७२ साल बैशाख १२ गते र त्यस पछिका पराकम्पहरुवाट क्षति भएका मध्ये धनसम्पतीको क्षति वापत १६ अर्ब रुपैयाँ भुक्तानी गरेको छ । यस्तै ९० करोड रुपैयाँ जीवन बीमाको दाबी वापत दाबी भुक्तानी गरेको समितिको तथ्यांक छ । यस्ता दाबी भुक्तानीले बीमा क्षेत्रको ब्यापक विस्तार हुदै गएको उनको भनाई छ ।
