चुक्ता पूँजी ८८ करोड २१ लाख रहेको फाइनान्सले ७ करोड ५ लाख ७३ हजार ७९२ रुपैयाँ नगद वितरण गर्नेछ । कम्पनीले वितरण गर्ने लाभांश गत भदौ २६ गते सम्म कायम रहेका शेयरधनीले मात्र पाउने छन् ।
यस्तै साधारण सभाले गत आर्थिक वर्षको वार्षिक प्रतिबेदन पारित गर्नुका साथै लेखापरिक्षकको प्रतिवेदन सहित असार मसान्त सम्मको वासलात तथा नाफा नोक्सान हिसाव तथा नगद प्रवाह वितरण स्वीकृत गरेको छ ।
त्यस्तै आर्थिक वर्ष २०७५/७६ को लागि बाह्य लेखा परिक्षकको नियुक्ती गर्ने र परिश्रमिक निर्धारण समेत गरेको छ । कम्पनीले हाल बहालवाला लेखापरीक्षक श्री एन. अमात्य एण्ड कं. चार्टर्ड एकाउन्टेन्टस् पुन: नियुक्ति गरेको छ ।
हालसम्म फाइनान्सले १७ वटा शाखा र १५ वटा ए.टि.एम. मार्फत ६४ हजार भन्दा बढी ग्राहकलाई सेवा प्रदान आएको छ । फाइनान्सले ८ अर्व ८७ करोड निक्षेप संकलन गरेर ६ अर्व ९१ करोड कर्जा प्रवाह गरेको छ ।