मिर्मिरे माइक्रोफाइनान्सको लिलामी सेयरको बोलपत्र खोलियो, प्रारम्भिक कटअफ यस्तो

Sep 26, 2018 Merolagani

मिर्मिरे माईक्रोफाइनान्स (MMFDB) को हकप्रदमा अवितरित भएकाे ९ हजार ७५३ कित्ता सेयरका लागि परेको शिलबन्दी बोलपत्र बुधबार बिक्री प्रबन्धक एनआईबिएल एस क्यापिटलमा खुला गरिएको छ । लघुवित्तले शतप्रतिशत हकप्रदमा अवितरित सेयरमा भदौ २६ गतेदेखि असोज ४ गतेसम्म शिलबन्दी बोलपत्र आह्वान गरेको थियो ।

मिर्मिरेको सेयर बिक्री प्रबन्धक एनआईबिएल एस क्यापिटलले दिएको जानकारी अनुसार प्रारम्भिक कटअफ मूल्य एक हजार ४२७ रुपैयाँ कायम भएको छ । उक्त सेयरको अन्तिम कटअफ मूल्यमा भने सामान्य फरक आउनसक्ने क्यापिटलले स्पष्ट पारेको छ ।

असाेज १० गते बुधबार कम्पनीकाे सेयर धिताेपत्रकाे दाेस्राे बजारमा एक हजार ५१० रूपैयाँ हाराहारीमा काराेबार भैरहेकाे छ । कम्पनीकाे कटअफ बजार मूल्यभन्दा साढे पाँच प्रतिशत कम अर्थात ८३ रूपैयाँ थाेरैमा निर्धारण भएकाे हाे ।

लघुवित्त कम्पनीको ९ हजार ७५३ कित्ता सेयरका लागि २२८ वटा आवेदन परेको थियो । प्रारम्भिक नतिजा अनुसार ४३ आवेदकले सेयर प्राप्त गर्ने अवस्था देखिएको छ । लघुवित्तको लिलामी सेयरका लागि अधिकतम एक हजार ५२१ रुपैयाँसम्मको आवेदन परेको थियो । 

उक्त लिलामी बाँडफाँडको नतिजा निष्काशनकर्ता कम्पनीकाे सञ्चालक समितिले स्वीकृत गरेपछि लिलामी सर्कार्ने लगानीकर्ताको डिम्याट खातामा नै पठाइनेछ ।

लघुवित्तले गत असार २७ गतेदेखि साउन २९ गतेसम्म चुक्ता पूँजी बराबर नै अर्थात एक बराबर एक अनुपातमा चार लाख ५० हजार कित्ता हकप्रद निष्काशन गरेको थियो ।  साे हकप्रद सेयरमा अावेदन नपरेकाे ९ हजार ७५३ कित्ता लघुवित्तले बढाबढ मूल्यमा लिलामी खुला गरेकाे थियाे । 

गत बर्षको कमाईबाट कम्पनीले २४ प्रतिशत बोनस सेयर र कर तिर्न १.२६ प्रतिशत नगद लाभांश दिने घोषणा गरेको छ । हकप्रद र लिलामी बिक्री पश्चात मिर्मिरेको चुक्ता पूँजी १२ करोड ८७ लाख ८६ हजार रुपैयाँ पुग्नेछ । बोनस सेयर लिलामीकाे हकप्रद  सकार्नेले समेत पाउनेछन् ।

गत असार मसान्तसम्ममा मिर्मिरेले ३ करोड ४ लाख २९ हजार रुपैयाँ खुद नाफा कमाएर प्रतिशेयर आम्दानी ५१ रुपैयाँ ७० पैसा र प्रतिशेयर नेटवर्थ १७३ रुपैयाँ ७५ पैसा कायम गरेको छ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।