कम्पनीले विद्युत बिक्रीबाट ३६ करोड ४८ लाख ७३ हजार रुपैयाँ आम्दानी गरेको छ । अघिल्लो बर्ष कम्पनीको यस्तो आम्दानी २२ करोड २६ लाख ४६ हजार रुपैयाँ रहेको छ ।
पञ्चकन्या माईको प्रशासनिक खर्चमा उल्लेख्य वृद्धिले नाफा घटेको हो । गत बर्षमा कम्पनीले ४२ करोड ५६ लाख रुपैयाँ यो शिर्षकमा खर्च गरेको छ जबकी अघिल्लो बर्ष कम्पनीले २२ करोड ४४ लाख रूपैयाँ मात्र खर्च गरेको थियो । समिक्षा अवधिमा कम्पनीको प्रशासनिक खर्च झण्डै दोब्बर बढेको हो ।
यस्तै कम्पनीको पावर प्लान्टको खर्च समेत एक करोड १९ लाखबाट बढेर २ करोड १७ लाख रुपैयाँमा बढेको छ । जसले कम्पनीको नोक्सानी बढेको छ ।
यस्तै ब्याज तथा प्रशासनिक खर्च समेत बढेर ४२ करोड ५६ लाख रुपैयाँ पुगेको छ । यो अघिल्लो आर्थिक वर्षको यहि अवधिमा २२ करोड ४४ लाख रुपैयाँबाट रहेको थियो ।
कम्पनीले एक अर्ब ९७ करोड रुपैयाँ बराबरको कर्जा लिएको कम्पनीको ११ करोड ३८ लाख रुपैयाँ बराबरको निक्षेप रहेको छ ।
साधारण शेयर जारी पश्चात कम्पनीको शेयर पूँजी ९९ करोड ५५ लाख रुपैयाँ पुगेको छ । यस्तै जगेडा कोषमा ५ करोड ३ लाख ४८ हजार रुपैयाँ ऋणाात्मक छ । अघिल्लो बर्ष कम्पनी दुई करोड १९ लाख ६५ हजार रुपैयाँले धनात्मक रहेको थियो ।
यस हाइड्रोले २०७४ माघ ५ गते देखि २३ गते सम्म आयोजना प्रभावित स्थानीय बासिन्दाको लागि ११ लाख कित्ता र सर्वसाधारणका लागि गत साउन १ गतेदेखि ४ गतेसम्म शेयर ११ लाख कित्ता शेयर निष्काशन गरेको थियो । कम्पनीले यो आईपीओ अझ नेप्सेमा सूचीकृत गरिसकेको छैन ।