विश्व लगानीकर्ता सप्ताहको प्रभात फेरीमा बोल्दै नेप्से प्रमुख साउदले पूर्ण अनलाईन कारोबार सुरु भए पछि अनलाइन चलाउन नजान्दा क्लोजआउटको सम्भावना बढी हुने बताए ।
यसबाट बच्नका लागि लगानीकर्तालाई अहिले नेप्सेले सञ्चालन गरिरहेको मोकट्रेडिङमा नियमित रुपमा सेयर कारोबार गर्न आग्रह गरेका हुन् । मोक कारोबारमा अभ्यस्त भए पछि मात्र अनलाइन कारोबार गर्दा लगानीकर्ताले अनावश्यक समस्या झेल्नु नपर्ने उनको भनाई थियो ।
नेप्सेले असोज २ गते देखि मोक कारोबार गर्न सक्ने व्यवस्था गरेको छ । साथै अनलाइन कारोबार प्रणालीमा आबद्ध नभएका लगानीकर्तालाई युजर तथा पासवर्ड लिन पनि उनले आग्रह गरेका छन् । ‘मोक कारोबारमा अभ्यस्त भए क्लोज आउट जस्ता समस्या कम हुने छ ।’ साउदले भने । ‘अनलाईन ट्रेडिङलाई पनि विश्व लगानीकर्ता सप्ताह सँगै जोडने छ ।’
अपेक्षित रुपमा मोक ट्रेडिङमा लगानीकर्ता सहभागि हुन सकिरहेका छैनन् । अहिलेको प्रणालीमा पनि सेयर कारोबार गर्ने सकिने भएकाले मोक कारोबारमा लगानीकर्ताको आकर्षण नदेखिएको हो ।
