कृषि बीमामा अपेक्षित सहभागिता देखिएन, बीमा कम्पनीहरुको आर्जन ५७ करोड

Oct 01, 2018 Merolagani

कृषि बीमा शुरु भएको पाँच वर्ष भईसक्दा पनि यसमा उत्साहजनक सहभागिता देखिएको छैन । कृषि बीमामा कृषकहरु मात्र नभई बीमा कम्पनीहरुले समेत त्यति चासो दिएको देखिदैन् । जसले गर्दा कृषि बीमा बापत कम्पनीहरुले बीमा शूल्क आर्जन बढाउन सकेका छैनन् ।

  सरकारले कृषकहरुलाई कृषि बीमा कार्यक्रममा व्यापक सहभागिता गराउने उदेश्यले बीमा शूल्कको ७५ प्रतिशत अनुदान दिदै आएको छ । तर पनि नीतिगत अप्ठ्यारो, भुक्तानीमा समस्या लगायतको झन्झटका कारण बीमा प्रभावकारी हुन सकेको हो ।

कृषि बीमा वापत गत आर्थिक वर्षमा निर्जीवन बीमा कम्पनीहरुले ५७ करोड २७ लाख रुपैयाँ बराबरको बीमा शुल्क आर्जन गरेका छन् । यो निर्जीवन बीमा कम्पनीहरुले संकलन गरेको २२ अर्ब ३५ करोड रुपैयाँ कुल बीमा शूल्कको २.५६ प्रतिशत मात्रै हो ।

हाल संचालनमा रहको कुल २० निर्जीवन बीमा कम्पनीहरु (नयाँ सहित) मध्ये जम्मा १२ कम्पनीहरुवाट मात्रै कृषि बीमालेख जारी भएका छन् । जसवाट ५७ करोड २७ लाख रुपैयाँ बराबरको बीमा शूल्क आर्जन भएको हो । यसमा पनि ४२ करोड ९५ लाख रुपैयाँ सरकारवाट अनुदान बापत प्राप्त रकम भएको बीमा समितिको तथ्यांक छ ।

 

नयाँ सहित आठ निर्जीवन बीमा कम्पनीहरुले कृषि सम्बन्धि कुनै पनि बीमा लेख जारी गरेका छैनन् । बीमा समितिको तथ्यांक अनुसार सबै भन्दा धेरै नेको इन्स्योरेन्सले १३ करोड ३५ लाख रुपैयाँको बीमा शूल्क आर्जन गरेको छ । यो कृषि बीमा वापत आर्जन गरेको कुल बीमा शुल्कको २३.३१ प्रतिशत हो । त्यसपछि एनएलजी इन्स्योरेन्सले १० करोड ९७ लाख रुपैयाँ कृषि बीमा शूल्क आर्जन गरेको छ ।

यस्तै लुम्बिनी जनरल इस्योरेन्स र सिद्धार्थ इन्स्योरेन्सले पनि ५ करोड बराबरको कृषि बीमा शूल्क आर्जन गर्न सफल भएको छ ।

यस अवधिमा १३ अर्ब ७ करोड ३९ लाख रुपैयाँ बराबरको कृषि बीमा भएको छ भने २४ करोड २० लाख रुपैयाँ बराबरको दाबी भुक्तानी गरिएको बीमा समितिको तथ्यांक छ ।

चालु आर्थिक वर्षको लागि विनियोजित बजेटले पनि कृषि बीमालाई प्राथमिकतामा राखेको छ । न्यून आय भएका किसानहरुलाई केन्द्रित गरी लघु कृषि बीमा जस्ता कार्यक्रमहरु समेत सार्वजनिक गरेका छन् । तर कृषक र बीमा कम्पनीहरु भने कृषि बीमातर्फ आर्कषित हुन सकेका छैनन् ।

comments powered by Disqus

चौतारी लघुवित्तको आईपिओ नतिजा मेराेलगानीमा

Dec 14, 2018

चौतारी लघुवित्त (CHAUTARI) को आईपिओ आज शुक्रबार बाँडफाँड भएको छ। लघुवित्तको शेयर कूल आवेदक मध्ये ५६ हजार ७० आवेदकले मात्रै  गाेला प्रथाबाट शेयर पाएका छन् भने २ लाख १७ हजार १२२ जनाकाे हात खाली भएकाे छ ।