मेरो शेयरका प्रयोगकर्तालाई थप सुविधा, बिहिबारदेखि ई–डिआईएस सेवा सुरु हुने

Oct 03, 2018 Merolagani

शेयर बजारका लगानीकर्ताले शेयर बिक्री गरेपछि डेबिट इन्सट्रक्सन स्लीप सिस्टम (डिआइएस) बुझाउन ब्रोकर कार्यालय जाने दिनको अन्त्य हुने भएको छ । सिडिएस एण्ड क्लयरिङ्गले असोज १८ गते बिहिबार देखि इलेक्ट्रोनिक डेबिट इन्सट्रक्सन स्लीप (ई–डिआईएस) सिस्टम सञ्चालन गर्ने भएको छ ।

सीडीएससीका प्रवक्ता सुरेश न्यौपानेले बिहिबार देखि ई–डिआईएस सेवा सुचारु हुने मेरो लगानीलाई जानकारी दिए ।

ई–डिआईएस सेवा सुचारु भएपछि शेयर खरिद बिक्रीको राफसाफ सिधै शेयर बिक्री गर्ने व्यक्तिको डिम्याट खाता बाट डेबिट भएर सिधै शेयर खरिद गर्ने व्यक्तिको खातामा जम्मा हुने भएको कारणले शेयर राफसाफ सहज रुपमा हुने प्रवक्ता न्यौपानेले बताए ।

यस बारेमा सीडीएससीले बिहीबार पत्रकार सम्मेलनगरी विस्तृत जानकारी गराउने भएको छ ।

सो सुबिधा मेरो शेयर प्रयोगकर्ताले मात्र प्रयोग गर्न सक्ने छन् । मेरो शेयर प्रयोग नगर्ने लगानीकर्ताले पूरानै शैली मार्फत शेयर खरिद बिक्री गर्न सक्ने छन् ।

यो प्रणाली कार्यान्यनमा आएपछि सिडिएससीको मेरो सेयरमा आवद्ध ३ लाख १६ हजार बढी लगानीकर्ता प्रत्यक्ष लाभन्वित हुनेछन् ।

साथै नेप्सेले ल्याउन लागेको पूर्ण अनलाईन प्रणालीमा अनलाईन ट्रेडिङसँगै सेयर हस्तान्तरण पनि अनलाईन नै हुने भएपछि सेयर बजारको विकासमा प्रविधिले थप फड्को मार्ने विश्वास गरिएको छ ।

 

 

comments powered by Disqus

चाकडी र घुस दिन नसक्ने पत्र मन्त्रीलार्इ लेख्दै वीर अस्पतालका डाक्टरले दिए राजीनामा

Nov 20, 2018

वीर अस्पतालका न्यूरो सर्जरी यूनिट प्रमुख प्रा।डा ध्रुव राज अधिकारीले राजीनामा दिएका छन् । प्रा.डा.अधिकारीले सोमबार लेखेको खुल्ला राजीनामा पत्र यतिबेला सामाजिक सञ्जालमा भार्इरल बनेको छ ।