असोज १८ गते विहीबार नेपालकाे शेयर बजारकाे समग्र बजार पूँजीकरण १४ खर्ब ६१ अर्ब ९० करोड ३० लाख रहेको छ । यसमध्ये उच्च पूँजी हुने दश कम्पनीको मात्रै बजार पूँजीकरण ५ खर्ब ५३ अर्ब २८ करोड ८३ लाख रुपैयाँ रहेको छ । यो कूल बजार पूँजीकरणको ३७.८५ प्रतिशत हाे ।
उच्च पूँजीकरण दश कम्पनी बाहेक अन्य कम्पनीहरूकाे बजार पूँजीकरण ९ खर्ब ८ अर्ब ६१ कराेड ४७ लाख अर्थात कूल बजार पूँजीकरणकाे ६२.१५ प्रतिशत रहेकाे छ ।
उच्च पूँजीकरण भएका दश कम्पनीहरूले नै नेपालकाे शेयर मार्केटलार्इ डाेर्याइरहेकाे पाइन्छ । यी कम्पनीहरूकाे शेयरमूल्यमा गिरावट अाउँदा समग्र शेयर बजारमा गिरावट देखिने गरेकाे छ । टेलिकम र नेपाल लाइफ बाहेक ८ वटा कम्पनी वाणिज्य बैंक नै रहेकाले वाणिज्य बैंककाे सूचक अाेरालाे लाग्दा समग्र बजार घट्ने अवस्था अहिले विद्यमान रहेकाे छ । अझ भनाैं वाणिज्य बैंककाे सूचकले नै नेपालकाे शेयर मार्केटलार्इ कता लैजाने भन्ने निर्धारण गर्दछ ।
नेप्सेमा सूचीकृत कम्पनीहरुमध्ये सबैभन्दा उच्च बजार पूँजीकरण नेपाल दुरसञ्चार कम्पनी लिमिटेड (टेलिकम) को रहेको छ । टेलिकमको बजार पूँजीकरण एक खर्ब १४ अर्ब ३० करोड रहेको छ । जुन कूल बजार पूँजीकरणको ७.८२ प्रतिशत हो ।
शेयर बजारमा सूचीकृत दोस्रो ठूलो पूँजीकरण भएको कम्पनी नबिल बैंक रहेको छ । बैंकको बजार पूँजीकरण ७५ अर्ब ८८ करोड ४४ लाख रहेको छ । यस बैंकको पूँजीकरण कूल बजार पूँजीकरणको ५.१९ प्रतिशत रहेको छ ।
त्यसैगरि नेपाल इन्भेटमेन्ट बैंकको बजार पूँजीकरण ६८ अर्ब ९१ लाख रहेको छ । स्ट्याण्डर्ड चार्टर्ड बैंकको ५५ अर्ब २७ करोड ८८ लाख, एभरेष्ट बैंकको ५० अर्ब ६४ करोड ९५ लाख, हिमालयन बैंकको ४३ अर्ब ८१ करोड ६७ लाख, नेपाल लाईफको ४१ अर्ब २ करोड ३३ लाख बराबरको बजार पूँजीकरण रहेको छ ।
त्यस्तै नेपाल एसबिआई बैंकको ३९ अर्ब ५९ करोड ०७ लाख, एनआईसी एशिया बैंकको ३४ अर्ब १३ करोड २२ लाख, र दशौं नम्बरमा ठूलो पूँजीकरण रहेको एनएमबि बैंकको ३० अर्ब ६० करोड ३२ लाख रहेको छ ।
एनएमबि बैंकको बजार पूँजीकरण प्रतिशतका आधारमा हेर्दा कूल बजार पूँजीकरणको २.०९ प्रतिशत हुन आउने देखिन्छ ।