पूर्णिमा बैंकको बैंकको असोज १९ गते शुक्रबार बसेको सञ्चालक समितिको बैठकले गत आर्थिक वर्षको खुद मुनाफाबाट शेयरधनीहरुलाई हाल कायम चुक्ता पूँजीको ५ प्रतिशत बोनस शेयर र ६.३७ प्रतिशत नगद लाभांश ( कर सहित) वितरण गर्ने निर्णय गरेको छ ।
पूर्णिमाले अघिल्लो बर्ष १९.१९ प्रतिशत बोनस शेयर तथा कर प्रयोजनका लागि १.०१ प्रतिशत नगद लाभांश वितरण गरेको थियो । समीक्षा बर्षमा बैंकको बोनस १४.१९ प्रतिशत बोनस घटाएर ३.३६ प्रतिशत नगद लाभांश बढाएको छ । समग्रमा बैंकको लाभांश ८.८३ प्रतिशतले घटेको हो ।
अघिल्लो बर्षमा १० करोड एक लाख खुद नाफा कमाएको बैंकको नाफा गत बर्षमा ७ करोड ४५ लाखमा घटेपछि लाभांश घटेको हो ।
प्रस्तावित बैंकको लााभांश नेपाल राष्ट्र बैंकबाट स्वीकृत भएर बैंकको आगामी बार्षिक साधारण सभाबाट पारित भएपछि मात्रै शेयरधनीलाई वितरण हुनेछ ।