डलरको मुल्यमा नयाँ उचाइको रेकर्ड

Oct 10, 2018 Merolagani

अमेरिकी डलरको मूल्य असोज २४ गते बुधबार हालसम्मकै उच्च बिन्दुमा पुगेको छ । नेपाल राष्ट्र बैंकले बुधबारका लागि प्रति डलरको बिक्रीदर ११९ रुपैयाँ ३३ पैसा निर्धारण गरेको छ । खरिददर भने ११८ रुपैयाँ ७३ पैसा तोकेको छ । यससँगै अमेरिकी डलरसँग नेपाली रुपैयाँ इतिहासमै धेरै कमजोर बनेको छ ।

गत अप्रिलदेखि नै नेपाली मुद्रा अमेरेकी डलरसँग अवमूल्यनमा हुँदै आएको छ । अन्तर्राष्ट्रिय बजारमा कच्चा तेलको मूल्यमा बढोत्तरी आउन थालेपछि डलरमूल्य बढ्न थालेको थियो ।

नेपाली मुद्राको भारतसँग स्थिर विनिमय दर रहेको कारण अमेरिकी डलरको तुलनामा भारतीय मुद्राको भाउ घटेपछि यसको सिधा असर नेपाली मुद्रामा पनि पर्ने गर्दछ । भारतको तुलनामा अमेरिकाको आर्थिक वृद्धि उच्च हुँदा भारतीय मुद्राको तुलनामा डलरको भाउ बढेको हो ।

डलर भाउ बढेसँगै अहिले एक डलर खरीद गर्न ७४.२७ भारु खर्च गर्नुपर्ने भइसककेको छ ।

नेपालीहरुको महान चाड बडा दशैं नजिक आइसकेको छ । यहि समयमा डलरको भाउ महङ्गो हुँदा बजार भाउ उच्च हुने देखिएको छ ।

दैनिकजसो डलरमा देखिएको बढोत्तरीले बजार भाउ उच्च भई न्यून आम्दानी भएकालाई थप प्रभाव पर्ने देखिन्छ ।

डलर महङ्गीँदा नेपाललाई यस्ता पर्छन् असर

comments powered by Disqus