आरएमडिसी लघुवित्तले बोनस बढाएर नगद घटाएर घोषणा गर्यो लाभांश

Oct 12, 2018 Merolagani

लघुवित्तको थोक कर्जा प्रदायक संस्था रुलर माईक्रोफाईनाइन्स (RMDC) ले गत बर्षको मुनाफाबाट वितरण गर्ने लाभांश घोषणा गरेको छ । अघिल्लो बर्षको भन्दा बोनस बढाएको लघुवित्तले कूल २० प्रतिशत लाभांश प्रस्ताव गरेको छ ।

असोज २६ गते बसेको कम्पनी सञ्चालक समितिको बैठकले हाल कायम चुक्ता पूँजीको दश प्रतिशत बोनस र दश प्रतिशत नगदगरी कुल २० प्रतिशत लाभांश प्रस्ताव गरेको छ ।

गएको बर्ष कम्पनीले ५ प्रतिशत बोनस र १५ प्रतिशत नगद लाभांश वितरण गरेको थियो ।

कम्पनीले ७ करोड २६ लाख ७२ हजार रुपैयाँ बराबरको बोनस र कर सहित उत्तिनै परिमाणमा नगद वितरण गर्ने निर्णय गरेको हो । कम्पनीले प्रस्ताव गरेको लाभांश राष्ट्र बैंकको स्वीकृती पश्चात आगामी साधारणसभाले पारित गरेपछि लगानीकर्तालाई वितरण हुनेछ ।

७२ करोड ६७ लाख रुपैयाँ चुक्ता पूँजी रहेको लघुवित्तको बोनसपछि चुक्ता पूँजी करिब ८० करोड पुग्नेछ । कम्पनीले गत आर्थिक बर्षमा २५ करोड ७३ लाख रुपैयाँ खुद नाफा गरेर प्रतिशेयर आम्दानी ३५ रुपैयाँ ४१ पैसा कायम गरेको थियो ।

comments powered by Disqus

शेयर बजारको अस्वाभाविक राजनीति

Dec 15, 2018

- आनन्द कुमार भट्टराई।
मुलुकको शेयर बजार अहिले एकदमै तातेको अवस्थामा छ। चारैतिर यसकै चर्चा छ। एकथरि लगानीकर्ता विभिन्न माग राखि रिले अनसनमा छन् भने त्यसलाई सत्ता ईत्तर फक्षका विभिन्न घटकबाट सांकेतिक समर्थन पनि बढ्दो छ। वास्तवमा मुलुकको लागि यस्तो अवस्थामा किमार्थ पनि राम्रो मान्न सकिँदैन।