संस्थाले एक वा एक भन्दा बढी उपयुक्त संस्थाहरु गाभ्ने/गाभिने तथा प्राप्ति गर्ने वा प्राप्ती हुने प्रयोजनका लागि उपयुत्त संस्थाहरु पहिचान गर्ने, समझदारी गर्ने लगायतका आवश्यक कार्यहरु गर्नका लागि सञ्चालक समितिलाई अख्तियारी दिने भएको छ ।
साथै संस्थाले जारी पूँजी तथा चुक्ता पूँजी वृद्धि गर्ने प्रस्ताव पनि साधारण सभामा लग्ने भएको छ । जस अनुसार गणपतिले प्रति शेयर एक सय रुपैयाँ अंकित दरको ३ करोड रुपैयाँ बराबरको तीन लाख कित्ता साधारण शेयर सर्वसाधारणहरुमा निष्काशन गर्ने प्रस्ताव पनि पारित गर्नेछ ।
कम्पनीले यसअघि नै एनआईबिएल एस क्यापिटल लिमिटेडलाई बिक्री प्रबन्धक छनौट गरिसकेको छ ।
गणपति माइक्रोफाइनान्स वित्तीय संस्थाको अधिकृत पूँजी २० करोड, जारी पूँजी १० करोड र चुक्ता पूँजी ७ करोड रहेको छ । सर्वसाधारणहरुलाई शेयर निष्काशन गरी बाँडफाँट गरे पश्चात संस्थाको चुक्ता पूँजी १० करोड हुनेछ ।
यसअघि वोमी माईक्रोफाईनान्सले आफु जस्तै कारोबार गर्ने संस्थाहरु खोजेर मर्जर तथा एक्विजिशन कार्य गर्न गराउने अख्तियारी लिने समेतको कार्यसूची राखेर कात्तिक १७ गते साधारणसभा आब्हान गरेको छ ।
राष्ट्र बैंकको नीति बमोजिम लघुवित्त कम्पनीहरु समेत मर्जरमा जाने भएका छन् । लघुवित्त कम्पनीहरुको वित्तीय स्वास्थ्य र पहुँचका आधारमा मर्जरलाई अगाडि बढाउने राष्ट्र बैंकको नीति पछ्याउँदै माइक्रोफाइनान्सकम्पनीहरुले मर्जर तथा प्राप्तिमा जाने संकेत गरेका हुन् ।
राष्ट्र बैंकले मौद्धिक नीति मार्फत लघुवित्त कम्पनीहरु स्वत मर्जरमा जान सक्ने व्यवस्था गरेको छ । तर केन्द्रिय बैंकले वित्त संस्थाहरुलाई मर्जरका लागी प्रोत्साहन गरेता पनि लघु वित्तहरुको मर्जर र प्राप्ती सम्बन्धी कुनै पनि नीति तथा नियम बनाएको भने छैन ।
राष्ट्र बैंकले मौद्धिक नीतिको अर्धबार्षिक समिक्षामा लघुवित्तको मर्जर प्राप्ती सम्बन्धी नीति नियम सार्वजनीक गर्ने तयारी गरेको छ ।