साधारण सभाले सर्वसाधारणका लागि ३० प्रतिशतले हुन आउने एक करोड ८० लाख रुपैयाँ बराबरको एक लाख ८० हजार कित्ता आईपिओ निष्काशन गर्ने प्रस्ताव पारित गरेको हो ।
कम्पनीले ३० प्रतिशत शेयर जारी गरेपछि चुक्ता पूँजी ६ करोड रुपैयाँ पुग्नेछ।
कम्पनीले साधारण शेयर निष्काशनका लागि सिद्धार्थ क्यापिटललाई बिक्री प्रबन्धक नियुक्त गरिसकेको छ भने आईपिओ निष्कासनको माग गर्दे धितोपत्र बोर्डमा समेत आवेदन गरिसकेको छ ।
रुपन्देहीमा केन्द्रीय कार्यालय रहेको कम्पनीका १९ वटा शाखा कार्यालय छन्। असोज मसान्तसम्म कम्पनीमा १० हजार ७५७ ग्राहक, ७ हजार ३८६ ऋणी पुगेका छन् । कम्पनीले ५१ करोड ऋण लगानि गरेको छ भने बचत संकलन १४ करोड ७२ लाख छ । कम्पनी चालु बर्षमा ७ शाखा थप्ने लक्ष्य राखेको छ ।
हाल लघुवित्तको चुक्ता पूँजी ४ करोड २० लाख रुपैयाँ छ । आइपिओ बिक्री पश्चात लघुविवत्तको चुक्ता पुँजी ६ करोड रुपैयाँ पुग्नेछ ।