मर्जरमा जाने संकेत गर्दै ग्लोबल आईएमई लघुवित्तले पनि रोज्यो हकप्रदकै बाटो

Oct 25, 2018 Merolagani

पछिल्लो समयमा लघुवित्त कम्पनीहरुले मर्जरमा जाने विकल्प सहित साधारणसभा आह्वान गर्न थालेका छन् । यसै क्रममा १५ प्रतिशत बोनसपछि शतप्रतिशत हकप्रद बिक्री गर्ने प्रस्ताव गरेको ग्लोबल आइएमई लघुवित्त (GILB) ले पनि आफु जस्तै संस्थासँग मर्जरमा जाने संकेत गरेको छ ।

संस्थाले कात्र्तिक २९ गते बोलाएको छैठौं बार्षिक साधारण सभामा गाभ्ने र गाभिने वा प्राप्ति गर्ने प्रयोजनका लागि संचालक समितिलाई सम्पूर्ण अख्तियारी प्रदान गर्ने प्रस्ताव गरेको छ । यसले यो संस्था पनि मर्जरमा जान इच्छुक रहेको देखिन्छ ।

यसअघि वोमी माइमाइक्रोफाइनान्स तथा गणपति माइक्रोफाइनान्सले पनि मर्जरमा जाने संकेत गर्दै साधारणसभाबाट सो सम्बन्धी प्रस्ताव पारित गराउने निर्णय गरेका थिए ।

कात्र्तिक २९ गते हुने ग्लोबल आइएमई लघुवित्तको साधारणसभाले १५ प्रतिशत बोनस शेयर समेत पारित गर्दैछ । साथै कम्पनीले बोनसपछि शतप्रतिशत हकप्रद बिक्री गर्ने निर्णय साधारणसभाबाट पारित गराउदैछ ।

लघुवित्तले चुक्ता पूँजी ९ करोड ६० लाख ५० हजार रुपैयाँको १५ प्रतिशत अर्थात् एक करोड ४४ लाख रुपैयाँ बराबरको बोनस र बोनसमा लाग्ने कर प्रयोजनार्थ ७ लाख ५८ हजार २८९ रुपैयाँ नगद लाभांश वितरण गर्नेछ ।

बोनस पश्चात लघुवित्तको चुक्ता पूँजी ११ करोड ४ लाख ५७ लाख पुग्नेछ । त्यसपश्चात शतप्रतिशत हकप्रद बेचेर थप ११ करोड चुक्तापूँजी बढाउने कम्पनीको योजना छ ।

कम्पनीको साधारण सभा गेट वे हिमालय रिसोर्ट बेसिशहर, लमजुङमा बिहान १०ः३० बजे सुरु हुनेछ ।

साधारणसभा प्रयोजनका लागि कम्पनीले कात्र्तिक १६ गते बुकक्लोज गर्ने भएको छ । जसअनुसार कात्तिक १५ गतेसम्म कायम शेयरधनीले मात्र साधारणसभामा भाग लिन र कम्पनीले प्रस्ताव गरेको बोनस प्राप्त गर्नेछन् ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।