बोर्ड र नेप्सेका उच्च अधिकारीहरुसँगको भेटमा लगानीकर्ताहरुले पूर्ण अनलाइन कारोबार प्रणाली, मार्जिन ल्यान्डिङ्ग, मार्जिन टेड्रिङ्ग लगायतको बिषयमा जानकारी माग्नको साथै ब्रोक्रेज सेवा विस्तारको माग समेत राखेका छन् ।
लगानीकर्तासँगको भेटमा नेप्सेका अधिकारीहरुले धितोपत्र बोर्डले अनुमति दिएको खण्डमा कार्तिक १५ गते देखि ब्रोकरहरुले आन्तरिक रुपमा तथा मंसिर पहिलो साताबाट आम लगानीकर्ताले अनलाइन मार्फत शेयर कारोबार गर्न सक्ने जानकारी दिएको संघका अध्यक्ष नवराज सुवेदीले मेरोलगानीलाई बताए ।
त्यसैगरी लगानीकर्ताले धितोपत्र बोर्डका अधिकारी समक्ष मार्जिन ल्यान्डिङ्ग, मार्जिन टेड्रिङ्ग लगायत ब्रोकर कमिशन घटाउने लगायतका बिषय उठाएका थिए ।
सो क्रममा बोर्डका अधिकारीहरुले मार्जिन ल्यान्डिङ्गको विषय अन्तिम चरणमा पुगेको र छिटै लागू हुने बताएका थिए । त्यस्तै ब्रोकर कमिसन घटाउने बिषयमा समेत छिट्टै छलफल गरेर टुङ्गगोमा पुर्याउने प्रतिबद्धता जनाएको पनि लगानीकर्ताले जानकारी दिए ।
त्यसैगरी भेटमा लगानीकर्ताहरुले स्थानीय तहबाटै ब्रोकज लाइसेन्स वितरण गर्ने व्यवस्था गर्नुपर्ने माग समेत राखेका थिए ।
