अहिले सम्म आईपिुग्दा एभरेष्ट र लक्ष्मीको मर्जर हुन सकेको छैन ।
जसका कारण २०७८ फागुनसम्मका लागि प्रमुख कार्यकारीको जिम्मेवारी पाउन सक्ने खालिङको दोस्रो कार्यकाल ६ महिनामै पुरा भएको हो ।
चार वर्षका लागि २०७० चैतमा बैंकको प्रमुख कार्यकारी नियुक्त भएका खालिङको कार्यकाल ०७४ फागुनमा सकिएको थियो ।
मर्जरका दौरान लक्ष्मी बैंकले एभरेष्टको अहिलेको नेतृत्वले नै एकीकृत संस्थाको नेतृत्व गर्ने सहमति अनुसार लक्ष्मी बैंकले खालिङको दोस्रो कार्यकाल ४ वर्षका लागि नभई ६ महिनाका लागि मात्र थप गरेको थियो । आफ्नो कार्यकाल पुरा भए पछि खालिङ विदा बसेका छन् ।
खालिङ विदा बसेसंगै लक्ष्मी बैंकमा प्रमुख कार्यकारीको पद रिक्त भएको हो । यसको एक मात्र कारण मर्जर प्रकृया हो । अब लक्ष्मी बैंकले फेरी नयाँ प्रमुख कार्यकारी नियुक्त गर्नु पर्ने हुन्छ ।
राष्ट्र बैङ्कले जारी गरेको एकीकृत निर्देशन २०७५ को संस्थागत सुशासनसम्बन्धी व्यवस्था अनुसार प्रमुख कार्यकारी अधिकृतको पद खाली भएको ३ महिनाभित्र अनिवार्य रुपमा पदपूर्ति गर्नुपर्ने व्यवस्था छ ।
एभरेष्टसँगको मर्जर प्रकृया अलपत्र पर्ने अवस्थाका कारण नै लक्ष्मी बैंकले अब नयाँ प्रमुख कार्यकारी नियुक्त गर्नु पर्ने भएको छ । तर पुर्व योजना अनुसार अब ३ महिना भित्रमा मर्जर प्रकृया एक कदम अघि बढेको खण्डमा भने अवस्था अर्कै हुनेछ ।