मोरङमा केन्द्रीय कार्यालय रहेको बैंकको नाफा चालू आवको तीन महिना अवधिमा १६ लाख २२ हजार रुपैयाँ मात्र खुद नाफा आर्जन गरेको छ ।
गत बर्ष यसै अवधिमा बैंकले २८ लाख ५२ हजार खुद नाफा कमाएको थियो । नाफा घटेसँगै बैंकको इपिएस घटेको हो ।
५० करोड ८५ लाख रुपैयाँ चुक्ता पूँजी रहेको बैंकको जगेडा कोषमा दुई करोड ३२ लाख रुपैयाँ सञ्चित छ । तीन महिनाको अवधिमा बैंकले एक अर्ब ५० करोड ७९ लाख रुपैयाँ निक्षेप संकलन गरेर एक अर्ब ४० करोड ५८ लाख रुपैयाँ कर्जा परिचालन गरेको छ ।
असोज मसान्तसम्म बैंकको खुद ब्याज आम्दानी २ करोड ४० लाख रुपैयाँ छ । यो गत बर्ष भन्दा ६९ लाख ७३ हजार रुपैयाँले धेरै हो । खुद ब्याज आम्दानी बढाएपनि बैंकमा कर्मचारी खर्च र सम्भावित नोक्सानीमा वृद्धि भएसँगै बैंकको खुद नाफा ह्रास आएको छ ।
साथै बैंकमा खराब कर्जा अनुपात १.२१ बाट बढेर १.४८ प्रतिशत पुगेको छ भने प्रति शेयर नेटवर्थ १०४ रुपैयाँ ५७ पैसा छ ।
