एफपिओ सूचीकरण हुनु अगावै सव अण्डर राइटरमार्फत बिक्री गरेपछि बोर्डले एक साता अघि निर्देशन दिएको थियो।
बोर्डले नेपाल बैंकका ८ वटा प्रत्याभूतकर्तालाई अग्रिम रूपमा बिक्री गरिएको शेयर कानुन सम्मत नभएको भन्दै धितोपत्र व्यवसायी नियमावली २०६४ अनुसार मर्चेन्ट बैंकले प्रत्याभूत गरेको शेयर आफ्नै नाममा सूचीकरण गर्न निर्देशन दिएको थियो।
मर्चेन्ट बैंकरहरूले नक्कली बजार मार्फत १२४ जना व्यक्ति तथा संस्थालाई निर्धारित मूल्य भन्दा कम मूल्यमा र सिस्टमभन्दा बाहिर बिक्री गरेको तथ्य फेला परेको थियो ।
बोर्डले सिद्धार्थ क्यापिटल लिमीटेड, ग्लोबल आइएमई क्यापिटल लिमीटेड, एनआइबिएल एस क्यापिटल, सिभिल क्यापिटल, सिविआइएल क्यापिटल, सनराइज क्यापिटल, लक्ष्मी क्यापिटल, सानिमा क्यापिटल, र नेपाल एसबीआई मर्चेन्ट बैंकिंग लिमीटेडलाई गल्ती नदोहोर्याउन भन्दै पत्र काटेर पुनः सचेत गराएको हो ।
बैकले गत असार १५ गतेदेखि बिक्री प्रबन्धक सिद्धार्थ क्यापिटल मार्फत २८० रूपैयाँका दरले एफपिओ निष्कासन गरेको थियो।
