नेप्सेले निर्देशन दिए भोलि देखि नै अनलाइन कारोबार गर्न तयार छौ: शेयर ब्रोकर

Oct 31, 2018 Merolagani

स्टक ब्रोकर्स एशोसिएसन अफ नेपालले नेप्सेले निर्देशन दिए भोलि देखि नै ब्रोकरहरु पूर्ण स्वचालित अनलाइन प्रणाली मार्फत शेयर कारोबार गर्न तयार रहेको बताएको छ । 

एशोसिएसनका अध्यक्ष भरत रानाभाटले ब्रोकरहरु यसमा अभ्यस्त भईसकेकाले अनलाइनमा जान तयार रहेको मेरो लगानीलाई बताए ।

पूर्ण स्वचालित अनलाइन प्रणाली र मोक ट्रेडिङ कारोबार गर्ने सिस्टम एउटै भएको कारणले ब्रोकरहरु यसमा अभ्यस्त भईसकेका छन् । हामीलाई अनलाइन कारोबार प्रणाली संचालन गर्न कुनै कठिनाई छैन् । नेप्सेले निर्देशन दिए भोलि देखि नै अनलाइन प्रणाली संचालनमा ल्याउन सक्छौ, रानाभाटले भने ।

नेप्सेले अनलाइन प्रणाली मार्फत कारोबार गराउन ब्रोकरहरुलाई दुई चरणको प्रशिक्षण दिइसकेको छ । पहिलो चरणमा अनलाइन प्रणालीको सम्बन्धमा जानकारी गराएको थियो भने दोस्रो चरणमा प्राबिधिक प्रशिक्षण गराएको थियो । जुन अनलाइन कारोबार संचालनका साथै नेप्से तथा सिडिएसी सँगको समन्वय सम्बन्धमा थियो ।  

यता पूँजीबजारको नियमनकारी निकाय नेप्सेले भने अझै पनि अनलाइन कारोबार सुरु गर्ने मिति तय गर्न सकेको छैन । औपचारिक कार्यक्रम गरी तिहार अघि नै अनलाइन कारोबार प्रणालीको सुरुवात गर्ने योजना नेप्सेकोे छ ।

अर्थमन्त्री डा. युवराज खतिवडाको प्रमुख आतिथ्यमा अनलाइन कारोबारको औपचारिक सुरुवात गर्ने योजनामा रहेको नेप्सेले अर्थमन्त्रीको समय मिल्नासाथ मिति तय गर्ने भएको छ । नेप्सेका एक अधिकारीले अनलाइन कारोबार प्रणालीको औपचारिक सुरुवात तिहार अघि नै गरिने दाबी समेत गरे ।

नेप्सेले छिटै अनलाइन प्रणालीमा जाने भन्दै कार्तिक ११ गते देखि मोक ट्रेडिङ स्थगित गरेको छ । लगानीकर्तालाई अनलाइन कारोबारमा अभ्यस्त गराउन भन्दै गत असोज २ गते देखि नेप्सेले मोक टेडिङ्ग गराएको थियो ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।