बुधबार बसेको बैंक सञ्चालक समितिको बैठकले चुक्ता पूँजीको १४ प्रतिशत नगद लाभांश वितरण गर्ने प्रस्ताव गरेको छ ।
बैंकले नगद लाभांश मात्र घोषणा गरेपछि बिहीबारको शेयर बजार खुलेको केहि बेरमै बैंकको शेयर मूल्य झण्डै चार प्रतिशतले घटेको छ ।जस अनुसार बैंकले एक अर्ब १२ करोड एक लाख ७५ हजार रुपैयाँ लाभांश बापत वितरण गर्नेछ । हाल बैंकको चुक्ता पूँजी आठ अर्ब १२ लाख ५५ हजार रुपैयाँ छ ।
प्रस्तावित लाभांश राष्ट्र बैंकको स्वीकृति पश्चात बैंकको आगामी साधारणसभाले पारित गरेपछि मात्र लगानीकर्तालाई वितरण हुनेछ ।
सानिमा बैंकको गत आर्थिक बर्षमा एक अर्ब ६९ करोड ३६ लाख रुपैयाँ लाभांश क्षमता बनाएको थियो ।
एनएफआरएस अनुसार प्रकाशित बैंकको गत आर्थिक बर्षको वित्तीय विवरण अनुसार प्रतिशेयर आम्दानी २१ रुपैयाँ १७ पैसा कायम भएको छ ।