चुक्ता पूँजी ६ करोड ५९ लाख ७७ हजार रुपैयाँ रहेको यस लघुवित्तको प्रतिशेयर आम्दानी २१ रुपैयाँ ५३ पैसा रहेको छ भने प्रतिशेयर नेटवर्थ १३९ रुपैयाँ २२ पैसा रहेको छ ।
कम्पनीको जगेडा कोषमा दुई करोड ५८ लाख रुपैयाँ सञ्चित रहेको छ ।
धनुषामा केन्द्रीय कार्यालय रहेको यस लघुवित्तले समीक्षा अवधिमा १९ करोड १० लाख निक्षेप संकलन र ४२ करोड ९९ लाख सापटीबाट ६७ करोड ४९ लाख रुपैयाँ कर्जा परिचालन गरेको छ । उसले निक्षेप ४७.९७, सापटी ३१.९७ र कर्जा ४२.०५ प्रतिशतले बढाएको छ ।
यसबाट कम्पनीले एक करोड ३१ लाख रुपैयाँ खुद ब्याज आम्दानी गरेको छ जुन गत बर्ष यसै अवधिको तुलनामा २० लाख बढी हो । उसले ४७ लाख १८ हजार सञ्चालन नाफा कमाएको छ ।
खराब कर्जा अनुपात ३.५० प्रतिशत रहेको यस लघुवित्तको मूल्य आम्दानी अनुपात ४०.५१ गुणा रहेको छ ।
दश जिल्लामा २१ शाखा कार्यालय सञ्चालन गरेर १६ हजार ६३० सदस्यलाई लघुवित्तीय सेवा प्रदान गरिरहेको यस लघुवित्तले पहाडि जिल्लामा ११ शाखा शाखा थप गरि २७ हजारमा सेवा पुर्याउने लक्ष्य राखेको छ ।
