भ्रष्टाचार गर्नेसँग कुनै किसिमको सम्झौता हुँदैनः प्रमुख आयुक्त घिमिरे

Nov 04, 2018 Merolagani

अख्तियार दुरुपयोग अनुसन्धान आयोगका प्रमुख आयुक्त नविन कुमार घिमिरेले भ्रष्टाचार गर्नेसँग कुनै किसिमको सम्झौता नहुने बताएका छन् ।

नेपालगञ्जमा आयोगको नवनिर्मित भवन उद्घाटन गर्दै घिमिरेले भ्रष्टाचार न्यूनीकरण गर्न नागरिक समाज, सञ्चार क्षेत्र र सरोकारवाला सबै निकायसँग सहयोगको आग्रह समेत गरे । 

विकास निर्माणका आयोजना तथा सेवा प्रवाहमा हुने ढिलासुस्ती र अनियमितता कुनै पनि हालतमा सहन नहुने प्रमुख आयुक्त घिमिरेले बताए ।

उनले आफ्नो जिम्मेवारीमा रहेका विकास निर्माणका कार्य समयमै सम्पन्न नगर्ने र गुणस्तरहीन सामग्रीको प्रयोग गर्नेलाई आयोगले कारबाही गर्न कुनै कसर बाँकी नराख्ने चेतावनी दिए ।

प्रमुख आयुक्त घिमेरेले राष्ट्रिय गौरवका आयोजनाहरूमा आयोगले विशेष निगरानी राखेको समेत जानकारी दिए ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।