अपेक्षा अनुरुपको लाभाशं नआउँदा लगानीकर्ता निराश, बोर्डलाई पनि पत्याएनन्

Nov 04, 2018 Merolagani

विशेषगरी वाणिज्य बैंकहरुले घोषणा गरेको लाभांशप्रति लगानीकर्ता सकारात्मक बन्न नसक्दा शेयरबजार राताम्मे बनेकोे छ । बैंकहरुको लाभांशप्रति लगानीकर्ताको चित्त नबुझिरहेको अवस्थामा लाइफ इन्स्योरेन्स कर्पोरेसनले घोषणा गरेको लाभांश समेत घटाएपछि बजारको गिरावट गहिरेको छ ।

आइतबार शेयरबजार झण्डै १४ अंक झरेको छ । माछापुच्छ्रे र निर्धन उत्थान लघुवित्तको संस्थापक शेयरको किनबेचले कारोबार रकम भने बढेको छ ।

विशेषगरी वाणिज्य बैंकहरुले घोषणा गरेको लाभांशप्रति लगानीकर्ताले नकारात्मक प्रतिक्रिया दिएका छन् । जसले गर्दा वाणिज्य बैंक समूह १७ अंक बढीले घटेको छ ।

हालसम्म सानिमा बैंक र एभरेष्ट बैंकले लाभांश घोषणा गरेका छन् । दुवै बैंकले नगद लाभांश प्रस्ताव गरेकाले अन्य बैंकहरुले समेत नगदमै जोड दिने आकँलन लगानीकर्ताको छ । सानिमाले १४ प्रतिशत तथा एभरेष्टले २० प्रतिशत नगद लाभांश वितरण गर्ने प्रस्ताव गरेका छन् ।

लाभांश घोषणा गर्ने वाणिज्य बैंकमा सानिमा पहिलो

एभरेष्ट बैंक पनि नगद लाभांशकै बाटोमा, कति प्रस्ताव गर्याे लाभांश ?

आइतबारको बजारमा सानिमा बैंकको शेयरमूल्य १.५३ प्रतिशत तथा एभरेष्ट बैंकको ५.४४ प्रतिशतले शेयरमूल्य घटेको छ । एभरेष्ट र सानिमाको मात्र होईन नगदमा जोड गरेपछि अधिकांश वाणिज्य बैंकको शेयरमूल्य घटेको छ ।

अर्कातर्फ यसअघि लाभांश घोषणा गरेको लाइफ इन्स्योरेन्स कर्पोरेसनले लाभांश घटाएपछि लगानीकर्ता आक्रोशित बनेका छन् । ३६ प्रतिशत बोनस सेयर दिने घोषणा गरेको कम्पनीले नियामक बिमा समितिको निर्देशनको कारण देखाउँदै १२ प्रतिशत मात्र बोनस दिने बताएको छ ।

यसबाट पनि लगानीकर्ता केही निरुत्साहित बनेको विश्लेषण गरिएको छ । जसको प्रभावले जीवन बीमा समूह सबैभन्दा धेरै ८७ अंकले ओरालो लागेको छ । लाभांश घटाएपछि कम्पनीको शेयरमूल्य समेत ५.६३ प्रतिशतले झरेको छ ।

लाइफ इन्स्योरेन्स कर्पोरेशनको लाभांश परिमार्जन, तीन गुणा कम प्रस्ताव

बैंकहरुको लाभांश घोषणाको क्रम सुरु हुँदै गर्दा चालु आर्थिक बर्षको पहिलो त्रैमासको वित्तीय विवरण प्रकाशित गर्न थालेका छन् । हालसम्म माछापुच्छ्रे बैंक र प्रभु बैंकले पहिलो त्रैमासको वित्तीय विवरण प्रकाशित गरेका छन् । जसमध्ये माछापुच्छ्रेको शेयरमूल्य घटेको छ । उच्च नाफा बढाएको विवरण सार्वजनिक गरेको प्रभु बैंकको शेयर मूल्य भने प्रतिकित्ता दुई रुपैयाँले बढेको छ ।

अनलाइन कारोबार सुरु गर्ने अन्तिम तयारी भईरहेका बेला शेयर बजारले भने उल्टो प्रतिक्रिया दिएको छ । कम्पनीहरुले घोषणा गरेको लाभांशले लगानीकर्तालाई निराश बनाएको विश्लेषण हुन थालेको छ ।

गत सातमा मात्र नेपाल धितोपत्र बोर्डले लगानीकर्तालाई सुझबुझका साथ शेयर बजारमा लगानी गर्न आग्रह गरेको थियो । बजार सुधारका गतिविधिहरु सहित लगानीकर्तालाई वर्तमान अवस्थालाई दृष्टिगतगरी लगानी गर्न सुझाए पनि त्यसको नकाराम्क असर यो साताको पहिलो दिनैको शेयरबजारमा देखा परेको छ ।

धितोपत्र बोर्डले भन्यो, वर्तमान अवस्थालाई दृष्टिगत गर्दे शेयरमा लगानी गर्नुस्

बोर्डले दोस्रो बजारको सुक्ष्म निगरानी भइरहेको समेत आफ्नो विज्ञप्तिमा उल्लेख गरेको थियो । बोर्डले सकारात्मक रुपमा गरेको अपिललाई शेयरबजारका लगानीकर्ताले नकारात्मक लिएको समेत देखिएको छ ।

त्यस्तै वित्तीय बजारमा लगानी योग्य रकम अभाव भएका खबर र ब्याजदर नघट्ने संकेतहरुले पनि लगानीकर्ता निरुत्साहित बन्न पुगेका छन् । जसले गर्दा बजार दोहोरो अंकले घटेर १२०७ अंकमा झर्न पुग्यो ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।