जोशी हाइड्रोले पायो १७ करोड बराबरको आर्इपिओ बिक्री गर्ने अनुमति

Nov 05, 2018 Merolagani

जोशी हाइड्रोपावर डेभेलपमेन्ट कम्पनीले सर्वसाधारणको लागि आर्इपिओ जारी गर्न धितोपत्र बोर्डबाट अनुमति पाएको छ । कम्पनीले करिब १७ करोड रुपैयाँ बराबरको आइपिओ बिक्री गर्न बोर्डबाट अनुमति पाएको छ ।

कम्पनीले १६ लाख ९० हजार ४७० कित्ता शेयर निष्कासन गर्ने भएको छ । स्थानीय बासिन्दाले नकिनेको दुई लाख ४२ हजार १० कित्ता र सर्वसाधारणहरुलाई छुट्याईएको १४ लाख ४८ हजार ४६० कित्ता गरी उक्त परिमाणको आर्इपिओ बिक्री गर्न बोर्डले अनुमति दिएको हो ।

यसअघि कम्पनीले जारी पूँजीको १० प्रतिशत स्थानीयलाई निष्कासन गरेको थियो ।

जोशी हाइड्रोपावर कम्पनीको सेयर निष्काशन तथा बिक्री प्रबन्धक सिद्धार्थ क्यापिटल रहेको छ ।

कम्पनीले इक्रा नेपालबाट इक्रा रेटिङ्ग ’इक्रा एनपि अार्इपिओ ग्रेड ५’ पाएको छ । यस सूचकले कम्पनीको वित्तीय अवस्था सबैभन्दा कमजोर रहेको जनाउँछ ।

जोशी हाइड्रोपावरले इलामको पुवाखोलामा तीन मेगावाट क्षमताको जलविद्युत आयोजना सञ्चालन गरिरहेको छ ।

पहिलो आयोजनाको रुपमा ३ मेगावाटको अपर पुवा १ आयोजना सञ्चालनमा रहेको कम्पनीले २०७१ माघ १ गतेबाट उक्त आयोजनाबाट व्यवसायिक रुपमा विद्युत उत्पादन गर्दै आएको छ ।

 

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।