बैंकले आउँदै गरेको शुभ–दिपावली तथा भाइटिकाको उपलक्ष्यमा ‘सोच बदलौं ... भाइटिकाको उपहार स्वरुप रकम ट्रान्सफर रोजौं’ भन्ने मूल नाराका साथ योजना अन्तर्गत १०० बोनस उपलब्ध गराउने जनाएको छ ।
एनआर्इसी एशियाले भाइटिकाको उपलक्ष्यमा ग्राहकहरूले दिने दक्षिणा स्वरुपको रकम बैंकको मोबाइल बैंकिङ्गबाट रकम ट्रान्सफर गर्दा १०० रुपैयाँ बराबरको बोनस रकम प्राप्त गर्नेछन् । बोनस रकम दक्षिणा प्राप्त गर्ने ग्राहक महानुभावहरूले प्राप्त गर्ने बैंकले जनाएको छ ।
त्यसैगरि ‘नछुटोस् छुट पाउने मौका’ भन्ने मूल नाराका साथ कुनै पनि सामान खरिद गरी यसको भुक्तानीमा बैंकको मोबाइल बैंकिङ्ग तथा क्यु आर कोड माध्यमबाट कारोबार गर्दा पाँच प्रतिशत देखि ५०० रुपैयाँसम्म छुटको ब्यवस्था गरेको छ ।