लगातार घटेको बजारलाई अनलाइनले जगायो आशा, दोहोरो अंकले बढ्यो

Nov 05, 2018 Merolagani

लगातार तीन दिन घटेको शेयर बजारमा चौथो दिन दोहोरो अंकको सुधार आएको छ । नेप्सेले भोलि मंगलबारदेखि पूर्णरुपमा स्वचालित अनलाइन प्रणालीबाट शेयर कारोबार सुरु गर्ने घोषणा गरेपछि त्यसको सकारात्मक प्रभाव बजारमा देखिएको हो ।

सोमबार नेप्से ११.९२ अंकले बढेर १२१९.२० अंकमा पुगेको छ । यसदिन १५५ कम्पनीको २४ करोड ४५ लाख रुपैयाँको कारोबार भएको छ । कारोबारमा आएका सबै समूहका उपसूचक बढेपछि नेप्से झण्डै एक प्रतिशतले उकालो लाग्यो ।

सबैभन्दा धेरै निर्जीवन बिमा समूहको सूचक ८७.४५ अंकले बढेको छ । त्यस्तै वाणिज्य बैंक समूहमा पनि ११.५२ अंकको सुधार आएको छ

लगातार तीन दिन गिरावट आएको बजारमा लगानीकर्ताहरुले शेयर खरिदको क्रम बढाउँदा चौथो दिनमा आएर बजार दोहोरो अंकले बढेको हो । तीन दिनको बीचमा नेप्से १७ अंक बढीले ओरालो लागिसकेको थियो।

अर्कातर्फ अनलाइन कारोबार प्रणालीको सुरुवात हुने खबरले बजारलाई थप उत्साहित बनाएको छ । नेप्सेले भोलि मंगलबारदेखि पूर्णरुपमा स्वचालित अनलाइन प्रणालीको औपचारिक सुरुवात गर्ने भएको छ ।

अनलाइन शेयर कारोवार गर्न चाहने लगानीकर्ताले धितोपत्र दलाल व्यवसायीकहाँ गएर कारोवार सम्बन्धी व्यक्तिगत विवरण खुल्ने खाता खोलेपछि घर, कार्यालय वा जुनसुकै स्थानबाट पनि सहजै कारोवार गर्न सक्नेछन् ।

स्टकले गत साउन १ गतेदेखि परिक्षण गरिरहेको पूर्ण स्वचालित अनलाइन प्रणालीमा धितोपत्र दलाल व्यवसायी सबै जोडिएका छन् । उनीहरुले आवश्यक भौतिक तयारीसमेत सबै गरिसकेका छन् । नेप्सेका अनुसार शेयर कारोवारलाई अन्तराष्ट्रिय स्तरको बनाउने लक्ष्यसाथ नयाँ प्रविधि जडान गरिएको हो ।

यसअघि शेयर कारोवार गर्न चाहनेले धितोपत्र दलाल व्यवसायीको कार्यालय अनिवार्य रुपमा नै जानुपर्ने वाध्यता रहेको थियो । नयाँ प्रणालीको जडानसँगै कारोवार गर्दै आएकाले दलाल मार्फत ‘युजरनेम र ‘पासवर्ड’ प्राप्त गर्ने छन् । त्यसका लागि व्यक्तिगत विवरण उपलब्ध गराउनुपर्नेछ ।

व्यक्तिगत विवरणका लागि इमेल ठेगाना र मोबाइल नम्बर अनिवार्य गरिएको छ । पूर्ण स्वचालित अनलाइन प्रणालीको कार्यान्वयनसँगै शेयर बजारमा सर्वसाधारणको पहुँच क्रमिक रुपमा बढ्दै जाने र सो प्रणाली नेपालको पूँजी बजारको कोशेढुंगा सावित हुने विश्वास स्टकले लिएको छ ।

सोमबार सबै भन्दा धेरै प्रभु बैंकको शेयर ४ करोड १७ लाख रुपैयाँको कारोबार भएको छ। लक्ष्मी लघुवित्त वित्तीय संस्थाका शेयरधनीले सबै भन्दा धेरै ६ प्रतिशतले कमाएका छन् भने सिर्जना फाइनान्सका शेयरधनीले १.८६ प्रतिशतले गुमाएका छन्।

 

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।