माथिल्लो तामाकोशी अपडेट : आवेदकले ५० कित्ता शेयर पनि नपाउने निश्चित

Nov 05, 2018 Merolagani

माथिल्लो तामाकोशीको आईपिओको आवेदकलाई ५० कित्ताका दरले पनि शेयर बाँडफाँड गर्न नसकिने देखिएको छ । आईपिओ निष्काशन बन्द हुने दिनसम्मको तथ्यांक अनुसार तामाकोशीको आईपिओमा चार गुणा बढी आवेदन परेको छ ।

तामाकोशी हाइड्रोपावरको आइपीओमा ६ अर्ब २५ करोड ५३ लाख ९९ हजार रुपैयाँ बराबरको आवेदन परेको छ ।

यो माग भन्दा चार गुणा धरै हो । बिक्री प्रबन्धक नागरिक लगानी कोषका सेयर शाखा प्रमुख रोशनजंग कार्कीले सोमबार साझँसम्म ३ लाख २५ हजार २२५ जनाले ६ करोड २५ लाख ५३ हजार ९९ कित्ताका लागि आवेदन दिएको जानकारी दिए ।

यो तथ्याकं सोमबार साँझसम्मको हो । अन्तिम तथ्याकं प्राप्त भईनसकेको शेयर बिक्री प्रबन्धक नागरिक लगानीकोषले जनाएको छ । अन्तिम तथ्याकं आउदा आवेदक संख्या र रकम अझै बढ्न सक्ने कार्कीले बताए ।

कम्पनीले बिहीबार (कात्तिक १५ गते) देखि प्रतिकित्ता १०० रुपैयाँ दरमा १ करोड ५८ लाख ८५ हजार कित्ता आइपीओ खुला गरेको थियो ।

जसमध्ये सर्वसाधारणका लागि १ करोड ५० लाख ९० हजार ७५० कित्ता छुट्याइएको छ ।

अहिलेसम्म आवेदन परेको संख्या हेर्दा प्रत्येक आवेदकले ५० कित्ताका दरले पनि शेयर नपाउने देखिएको छ ।

यो आइपीओमा न्यूनतम ५० कित्तादेखि अधिकतम १ हजार कित्तासम्म आवेदन दिन पाउने व्यवस्था गरिएको थियो । सकिन्छ । बिक्री प्रबन्धकको काम नागरिक लगानी कोष र सनराइज क्यापिटलले गरेका छन् ।

कम्पनीले यसअघि स्थानीयबासीलाई १ अर्ब ५ करोड ९० लाख बराबरको १ करोड ५ लाख ९० हजार कित्ता आईपीओ निष्कासन गरिसकेको छ ।

 

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।