प्राइम लाइफले सार्वजनिक गर्यो सुधारउन्मुख वित्तीय विवरण

Nov 06, 2018 Merolagani

प्राइम लाइफ इन्स्योरेन्स कम्पनी (PLIC) ले चालु आर्थिक बर्षको पहिलो त्रैमासमा प्रगति उन्मुख वित्तीय विवरण प्रकाशित गरेको छ । भारी मात्रामा पूँजी बढाएको कम्पनीले व्यवसाय विस्तारका साथै नाफा बढाएपनि प्रतिशेयर आम्दानी भने सन्तुलनमा राख्न सकेको छैन् ।

चालु आर्थिक बर्षको पहिलो त्रैमासको अन्त्यसम्म प्राइम लाइफ इन्स्योरेन्स कम्पनीले ६ करोड ८० लाख खुद नाफा गरेको छ । यो अघिल्लो वर्षको सोही अवधिको तुलनामा ७.२५ प्रतिशत बढी हो । अघिल्लो बर्ष कम्पनीले ६ करोड ३४ लाख खुद नाफा कमाएको थियो ।

कम्पनीले बीमा शुल्क आर्जन, बीमा कोष, जगेडा कोष तथा महाविपत्ती कोष लगायतका कोषको आकारमा समेत बढोत्तरी छ । कम्पनीको जगेडा कोषमा एक अर्ब ५ करोड रहेको छ । जीवन बीमा कोषमा ७ अर्ब १७ करोड राखेको छ ।

कम्पनीले चुक्तापूँजी बढाउन गतबर्ष १६० प्रतिशत हकप्रद बिक्री गरेको थियो । कम्पनीको हाल एक अर्ब ७८ करोड चुक्ता पूँजी छ । बीमा समितिको निर्देशन बमोजिम कम्पनीले दुई अर्ब पूँजी कायम गर्नुपर्नेछ ।

कम्पनीले पहिलो त्रैमासमा ६४ करोड ६४ लाख रुपैयाँ कुल बीमा शुल्क आर्जन गरेको छ । अघिल्लो वर्ष सोही अवधिमा ५१ करोड ३४ लाख रुपैयाँ आर्जन गरेको थियो ।

हालसम्म कम्पनीले १२ अर्ब ८४ करोड कुल बीमा शुल्क आर्जन गरेको छ भने कुल ११ करोड ३१ लाख दाबी भुक्तानी गरेको छ । एक करोड ५७ लाख रुपैयाँ भुक्तानी हुन बाँकी दाबी रकम रहेको छ । कम्पनीले हालसम्म १६ लाख बढी बीमा लेख जारी गरेको छ ।

कम्पनीको प्रतिसेयर आम्दानी १५.२५ रुपैयाँ, प्रतिसेयर नेटवर्थ १५८.९६ रुपैयाँ तथा मुल्य आम्दानी अनुपात ३३.३२ गुणा रहेको छ ।

comments powered by Disqus

त्रिशूली थ्री ‘बी’ को आईपिओमा करिब १० गुणा बढीको आवेदन,सोमबार अन्तिम

Mar 25, 2019

सरकारको ‘जनताको जलविद्युत कार्यक्रम’ अन्तर्गत चैत ७ गतेदेखि साधारण शेयर (आईपिओ) निष्काशन गरेको माथिल्लो त्रिशूली थ्री ‘बी’ जलविद्युत आयोजनाको शेयरमा आवेदन दिने चैत ११ गते सोमबार अन्तिम दिन रहेको छ। आइतबारसम्म आईपिओमा करिब १० गुणा बढी आवेदन परेको छ।