रिडी हाइड्रोपावरको आम्दानीमा सुधार, तीन महिनामा कमायो ९६ लाख

Nov 06, 2018 Merolagani

रिडी हाइड्रोपावर कम्पनी (RHPC) ले चालु आर्थिक बर्षको प्रथम त्रैमासमा ९६ लाख ७० हजार रुपैयाँ नाफा कमाएको छ। कम्पनीले गत वर्षको यसै अवधिको तुलनामा २५ लाख बढी नाफा कमाएको हो । कम्पनीले गत वर्षको यसै अवधिमा ७१ लाख ४९ हजार रुपैयाँ नाफा कमाएको थियो ।

विद्युत बेचेर कम्पनीले आफ्नो आम्दानी बढाएको हो । कम्पनीले विद्युत बेचेर १ करोड ५४ लाख रुपैयाँ बराबरको आम्दानी गरेको छ । यसैगरी कम्पनीले अन्य स्रोत मार्फत ३० हजार रुपैयाँ गरी जम्मा १ करोड ५४ लाख रुपैयाँ आम्दानी गरेको छ ।

कम्पनीले राम्रो आम्दानी गरेपनि सञ्चालन खर्च घटाउन नसक्दा अपेक्षा अनुरुपको नाफा गर्न सकेन । समीक्षा अवधिमा कम्पनीको सञ्चालन खर्च ११ लाख रुपैयाँ रहेको छ । जुन गत वर्षको यसै अवधिको तुलनामा २ लाख २८ हजार बढी हो । तर कम्पनीको प्रोजेक्ट खर्च भने गत वर्षको तुलनामा घटेको छ ।

कम्पनीको चुक्ता पूँजी ५० करोड १० लाख रुपैयाँ रहेको छ । गत बर्षको यसै अवधिमा कम्पनीको चुक्ता पूँजी ४७ करोड २२ लाख रहेको थियो । कम्पनीको जगेडा कोषमा ४ करोड २६ लाख रुपैयाँ सञ्चित रहेको छ । कम्पनीले १४ करोड ३ लाख रुपैयाँ बराबरको लगानी गरेको छ ।

कम्पनीको बार्षिक प्रतिशेयर आम्दानी ७.७२ रुपैयाँ रहेको छ । कम्पनीको प्रतिशेयर नेटवर्थ १०९ रुपैयाँ रहेको छ भने मूल्य आम्दानी अनुपात २२३.८४ गुणाले बढी छ ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।