अनलाईन कारोबार प्रणाली अझै पूर्ण स्व:चालित हुन सकेन : स्टक ब्रोकर एसोसिएसन

Nov 06, 2018 Merolagani

स्टक ब्रोकर एसोसिएसनका अध्यक्ष भरत रानाभाटले नेप्सेले सुरु गरेको अनलाईन कारोबार प्रणाली स्व:चालित नभएको बताएका छन्। सबै किसिमका राफसाफ एकै स्थानमा हुन नसक्ने भएकाले अनलाईनलाई पूर्ण स्व:चालित भन्न नसकिने उनको भनाई थियो ।

शेयर कारोबारको रकम भुक्तानी अनलाईन प्रणालीबाट नै गर्न सक्ने व्यवस्था नहुनु, शेयरको राफसाफ पनि अनलाईन प्रणाली भित्रबाट नहुनु लगायत कारणले समस्या अझै कायम रहने उनको भनाई थियो ।

उनले लगानीकर्ताको सहजताका लागि शेयर कारोबारको रकम भुक्तानीको सबै व्यवस्था अनलार्इन प्रणाली भित्र नै मिलाउन सुझाव समेत दिए । 

नेपाली पूँजी बजारको विकास र विस्तारका लागि अनलाईन कारोबार प्रणालीले ठूलो सहयोग गर्ने बताएका उनले यसको विकास र सहज प्रयोगमा आफूहरु लाग्ने बताए ।

मंगलबारबाट शुरु भएको अनलाईन शेयर कारोबार प्रणाली उद्घाटन कार्यक्रममा बोल्दै अध्यक्ष रानाभाटले अनलाईन सुरुवातसँगै ब्रोकरहरु दोस्रो पूँजीबजार बिस्तारमा लाग्ने धारणा राखे ।

पहिलो बजार देशब्यापी बनाउन सरकारले पहल गरेको भन्दै रानाभाटले दोस्रो बजारलाई पनि अन्तर्राष्टियस्तरमा पुर्याउन जरुरी रहेको बताए ।

प्रणालीको विकास भए पनि विभिन्न कानुनी अड्चनका कारण तयार भएको प्रणाली सञ्चालन प्रभावकारी हुन नसक्ने उनको भनाई थियो ।

दोस्रो बजार विस्तारका लागि आलाईन प्रणाली कोशेढुंगा भए पनि सहर केन्द्रीत केहि ब्रोकर शाखाहरु खर्च धन्न सक्ने अवस्थामा नरहेको रानाभाटको गुनासो थियो ।

बैंकहरुलाई ब्रोकर लाईसेन्स वितरण गर्ने सम्बन्धमा भ्रम रहेको भन्दै रानाभाटले देशको ग्रामिण भूभागसम्म ब्रोकर सेवा दिन कार्यविधि बनाएर अघि बढ्नुपर्ने औंल्याए ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।